Waffen-SS

Ar Waffen-SS – [ˈvafən.ɛs.ɛs], ger-ha-ger : « Skouadron gwareziñ (SchutzStaffel, SS) armet (Waffen) » – a oa ur skourr milourel d'ar Schutzstaffel (SS) ; bez' e voe unan eus lodennoù pennañ an SS, gant an Allgemeine SS (SS hollek), ar Sicherheitsdienst (servij surentez) hag an SS-Totenkopfverbände (unvezioù Penn-marv).

Banniel ar Schutzstaffel

Gitonioù ar 1añ Panzerdivision SS Leibstandarte Adolf Hitler

Gant Heinrich Himmler e voe aozet ar Waffen-SS, evel arm [[politikerezh|politkel da gentañ.
Er penn-kentañ ne veze degemeret er Waffen-SS nemet nazied rik diuzet dre zezverkoù strizh, lod anezho o vezañ diazezet war damkaniezhoù gouennelour hervez selloù ar strollad nazi.

A-feur ma pade an Eil brezel-bed e voe muioc'h-mui a golloù er Waffen-SS. Goude 1942 pergen e rankas pennoù ar skourr digeriñ an dorioù d'an dud a veze lakaet da Volksdeutsche ("alaman dre ar bobl") gant an nazied, da lavarout eo tud a orin alaman na oant ket o chom en Trede Reich ; pelloc'h e voe tutet Elzasiz ha Loreniz, dre ret peurvuiañ, alese anv anv gallek Malgré-nous a voe roet dezho ; diwezhatoc'h c'hoazh e voe ebarzhet tud eus ar broioù a oa bet aloubet, eus Albania betek Belgia hag eus Danmark betek Ukraina hep teurel pled d'o orin germanek pe get, gant ma youlent stourm dindan banniel an Trede Reich.
War-dro ur milion a dud a voe er Waffen-SS e-pad ar brezel ; adalek 1944, ur 700 000 bennak anezho a oa ann-Alamaned. Komzet e voe neuze eus ar c'hentañ lu europat.

Talbenn ar Reter e 1942 un SS-Rundfunkberichter eus ur propagandakompanie. Skeudenn an aozadur a oa peurlipet gant ar propaganda.

Touadenn ar Waffen-SS

Setu amañ al le a veze graet gant izili nevez ar Waffen-SS.

Ich schwöre Dir, Adolf Hitler, als Führer und Kanzler des Deutschen Reiches, Treue und Tapferkeit. Ich gelobe Dir und den von Dir bestimmten Vorgesetzten Gehorsam bis in den Tod! So wahr mir Gott helfe!

« Dit-te e touan, Adolf Hitler, Führer ha kañseller an impalaeriezhoù alaman, fealded ha kalonegezh. Prometiñ a ran dit ha d'ar re zilennet ganit sentiñ d'ar pennoù betek ar marv ! Doue ra 'm sikouro da vout ken gwirion ! »

• Evit doare, an izili nann-alaman ne douent nemet d'ar Führer, ne douent ket d'ar c'hañseller.

Pennadoù kar

• Rannoù Waffen-SS
• Unwiskoù hag ardamezioù ar Schutzstaffel