Rambo: First Blood Part II

Sinema
Arvez	Brezel Vietnam
Titl	Rambo: First Blood Part II
Labour da-heul	Rambo
Heuliad	Heuliad filmoù Rambo
Danvez pennañ	Brezel Yen
Raklec'hiet gant	Rambo: First Blood
Heuliet gant	Rambo III
Tachenn	film birvidik, film thriller, film diazezet war un oberenn lennegel, film dramael
Dezerc’her	Jerry Goldsmith
Bro orin	Stadoù-Unanet
Yezh orin ar film pe an abadenn skinwel	saozneg, vietnameg
Deiziad embann	22 Mae 1985, 23 Eos 1985, 12 Gwe 1985
Sevener	George Pan Cosmatos
Senarioour	Sylvester Stallone, James Cameron, Kevin Jarre
Rener ar skeudennaouiñ	Jack Cardiff
Frammer filmoù	Mark Goldblatt
Sonaozer	Jerry Goldsmith
Produer	Buzz Feitshans, Mario Kassar
Embregerezh produiñ	Carolco Pictures, TriStar Pictures
Dasparzher	InterCom, Netflix
A-ziwar un oberenn gant	David Morrell
Lec'h an istor	Stadoù-Unanet, Thailand
Lec'h filmañ	Mec'hiko
Liv	liv
Notenn ar varnouriezh	33%, 4.6/10, 47/100
Prizioù resevet	Golden Raspberry Award for Worst Picture, Golden Raspberry Award for Worst Actor, Golden Raspberry Award for Worst Screenplay, Golden Raspberry Award for Worst Original Song
Diaz embann	video diwar c’houlenn
Australian Classification	M
Renkadur ar CNC	holl bublik
Renkadur EIRIN film	G
Renkadur Filmiroda	Category III
Renkadur FSK	FSK 18
Renkadur Kijkwijzer	16
Renkadur MPAA	R
Assessment	Test Bechdel
Endro e-lec'h e tispak	janglenn

Rambo: First Blood Part II pe Rambo II a zo ur film niñvek a orin Amerikan sevenet gant George Pan Cosmatos, er bloavezh 1985. An eil tamm ez eo d'an heuliad filmoù awenet gant an dudenn John Rambo. Haroz ar film a zo c'hoariet gant Sylvester Stallone.

Istor ar film

Kregiñ a ra Rambo II just war lerc'h an hini gentañ Rambo: First Blood. Kaset ez eo bet an haroz d'an toull-bac'h me ar c'horonal Trautman e ez ofisour ha kamalad bev nemetañ a ginnig dezhañ un hent evit mont d'ar frankiz ur c'hefridi risklus da vat: Distreiñ er Vietnam ha degas prouennoù d'eus ar brizonidi Amerikan bac'het gant lu an Norzh Vietnam.

Rambo II an digoll

Anat ez eo Rambo II un doare digoll ha diskargañ spered an Amerikaned a-fed koll brezel Vietnam o welet John Rambo o lazhadegañ degadoù a soudarded norzh vietnamian e-unan evit saveteiñ e genvreudeur bac'het ha jahinet.

Ul lod a zo propaganda enep-komunour a-grenn (ar Brezel Yen a zo c'hoazh d'eus outi) o welet soudarded an URSS deuet da harpañ dindan un doare dismegañsus lu norzh Vietnam hag o vezañ lazhadeget aes hag eeun gant Rambo. Kement-mañ o kavout e uhelañ gant an emgann biñsaskell etre Rambo hag ur Bell UH-1 Iroquois "Huey" Amerikan kozh o talañ al letanant-koronal Rusian Podovsky en e Mil Mi-24 Hind kalz modernoc'h.

Bell UH-1 Iroquois "Huey" e brezel Vietnam

Rambo II en heuliad filmoù

Rambo II n'eo ket nemet ur film oberiant dudius hag ur film propaganda enep komunour memes ma z'eo darn e gefridi. Ar film a ro tro ivez evel film kentañ an heulienn Rambo: First Blood da zegas ar gaoz war poanioù dru an ez soudarded Amerikan bet implijet gant o kouarnamant evel ostilhoù ha dilezet hep damant goude brezel Vietnam.

Degas a ra ivez ar gaoz war ez soudarded brezel Vietnam o vezañ digomprenet pe gwallgaset gant pobl Amerika ha war ar brizonidi brezel Amerikan laosket da vont da anaon e kampoù-bac'h Vietnam.

Un doare kentel ez eo a-berzh aozour ar film etrezek an arvesterien.

Echuiñ a ra ar film gant ar gaoz 'se etre ar c'horonal Trautman ha John Rambo:

"- Met petra fell dit, Rambo ?

- Pezh fell din? Ar pezh a fell dezho kaout... ar pezh a venn an holl re o deus bet roet o nerzh bouzelloù er vro-se da gaout...

ar c'hoant am eus da vezañ karet gant ma bro kement a ma garan anezhañ..."

Soudarded Viet Cong o tougen ur brizoniad brezel Amerika pe POW (Prisoner Of War)

Tro-dro d'ar film

Ronald Reagan prezidant ar Stadoù-Unanet d'ar mare-se, en deus bet laret o tont 'maez ar sinema: « Ma sav ur gudenn gant Amerika gouzout a reomp bremañ piv gervel! »

Rambo a implij a-galz an arm M-60 un arm implijet a-wir e-kerzh brezel Vietnam

Ar viñsaskell Bell UH-1 Iroquois "Huey" a vez implijet gant John Rambo er film a zo ur simbol eus lu Amerika e brezel Vietnam.

Heuliad filmoù Rambo

Liammoù diavaez

Film Kinnig ofisiel Rambo II