Rouantelezh Manav
Un darn eus rouantelezh Galwyddel e oa Manav betek 550. En amzer-se e voe aloubet Galwyddel gant un enebour. N'eo ket sklaer pehini met Rheged an hanternoz a c'hellfe bezañ. Ret e voe d'he roue, Senyllt, repuiñ e Manav, el lec'h ma chomas e diernelezh en e sav betek an VIIIvet kantved.
| Manav Rouantelezh Manav | ||||
| ||||
| Kêr-benn | Dianav | |||
| Yezh(où) | Kembraeg | |||
| Gouarnamant | Monarkiezh | |||
| Istor | ||||
| - Repuiñ a ra roue Galwyddel war an enez | 550 | |||
| - Aloubet gant Vikinged | 836 | |||
E 629 ec'h aloubas Edwin Northumbria an enez. Ar roue Anllech a voe diarbennet gantañ hag an enez a implijas da argadiñ Gwynedd. Gant Cadwallon Gwynedd e voe faezhet hemañ, avat, ha war-dro 632 ec'h adkavas ar rouantelezh he frankiz.
War-dro 690 e tremenas ar gurunenn d'un diskennad eus Llywarch Hen ha hêr d'ar rouantelezh kollet, Rheged ar c'hreisteiz: Sande. E 825 e resevas roue brezhon diwezhañ Manav, Merfyn Frych, tron Gwynedd dre hêrezh. Divarrek e voe da viret e rouantelezh orin avat. E 836 ec'h aloubas Godred mac Fergus, ur penn-brezel gall-gouezelek, an enezenn. Hemañ a ziazezas ur riez a badas, gant ehanoù, betek 1265.
Rouaned vrezhon Manav
kemmañ- Senyllt : war-dro 590
- Neithon: war-dro 530
- Rhun
- Tutgual map Rhun
- Anllech : war-dro 590
- Mermin Mawr : war-dro 630
- Anaraud Gwalchcrwn : war-dro 650
- Iudgual : war-dro 690
- Sandde : war-dro 730
- Guriat: war-dro 750
- Merfyn Frych : 780 - 844
Gwelout ivez : Ar Gelted • Ogham • Yezhoù keltiek • Rouantelezhioù brezhon • Enez Vreizh • Galia