Tallinn
Tallinn eo kêr-benn ha kêr vrasañ Estonia. Emañ war aod Pleg-mor Finland, a-dal da Helsinki, a zo 80 km norshoc’h. Ur 400 000 bennak a dud a zo o chom enni, tost d’un drederenn eus annezidi Estonia.
| Tallinn | |
|---|---|
|
|
| Banniel | Ardamezioù |
| Riez | Estonia |
| Kontelezh | Kontelezh Harju |
| Maer | Taavi Aas |
| Gorread | 159,2 km² |
| Poblañs (hep kontoù doubl) |
411 880 (2010) |
| Stankter | 2 524/km² |
| Hed | 24°45' R |
| Led | 59°26' N |
| Uhelder | bihanañ: 0 m brasañ: 64 m |
| |
Er Grennamzer e voe aloubet gant Daniz a roas d’ar gêr an anv Reval. Ur gêr binvidik e teuas da vezañ, ezelez eus Kevre an Hansa. E dalc’h Urzh ar varc’heien deutonek e voe goude 1346, a-raok tremen dindan gazel Sveden e 1561, hag hini Rusia e 1710. Kaer eo kreiz kêr Tallinn, gant e savadurioù kozh, ha lakaet eo bet war Roll glad ar bed gant an UNESCO.
En 1980, pa oa c'hoazh Estonia en Unaniezh Soviedel, eo e Tallinn e voe aozet ar c'hevezadegoù bageal eus ar C'hoarioù Olimpek a dremene e Moskov.
Gevellerezh
kemmañTallinn a gemer perzh er darempredoù etrevroadel etre ar c'hêrioù dre gevelerezhioù gant:
Dartford (Bro-Saoz)
Los Gatos (SUA)
Schwerin (Alamag)- Kiel (Alamagn)
Gent (Belgia)
Göteborg (Sveden)- Malmö (Sveden)
Riga (Latvia)- Annapolis (Maryland) (SUA)
Groningen (Izelvroioù)
Łomża (Polonia)
Sant Petersbourg (Rusia)
Tallinn he deus liammoù mignoniezh ivez gant Portland (Oregon) er Stadoù-Unanet ha Kotka e Finland.
Liammoù diavaez
kemmañ
- Lec'hienn ofisiel Tallinn (en estoneg, rusianeg ha saozneg)