The Lang's Fairy Books

The Lang's Fairy Books zo un dastumad 25 levr saoznek evit bugale gant Andrew Lang, embannet etre 1889 ha 1913. Kenlabourat a rae gant e bried Leonora Blanche Alleyne a embannas pevar eus al levrioù etre 1908 ha 1912.

Andrew Lang (1844–1912) a oa ur skrivagner skosat, barzh ha romantour. Embann a reas levrioù kentañ ar rummad ha sevel ar rakskridoù, e bried a rae an troidigezhioù, hag a reas an embann adal ar bloavezhioù 1890^[1].

Kalzik eus ar c'hontadennoù a deu eus kontadennoù Grimm, met an darn vrasañ a deu eus broioù all.

The Fairy Books

Orin ha levezon

"The Crown Returns to the Queen of the Fishes" (Distro ar Gurunenn da Rouanez ar Pesked). Skeudenn gant H. J. Ford evit The Orange Fairy Book

Levrioù brudetañ an dastumad eo an 12 Fairy Books, pep hini en ur golo a liv disheñvel. Kontadennoù al levrioù ne oant ket bet dastumet gant ar priedoù Lang diwar muzelloù konterien, met evel re Madame d'Aulnoy (1651–1705) e voent tennet eus levrioù a lies bro.

Levezon bras o doe al levrioù. Kalz eus ar c'hontadennoù eus ar broioù estren a voe lakaet e saozneg evit ar wech kentañ. Andrew an hini a zibabas kontadennoù ar pevar levr kentañ, met Nora eo an hini a reas al labour war-dro an ugent all goude. Ganti e voe graet al labour treiñ, gant skoazell troerien all.

Levezonet e oa Lang gant e anaoudegezh eus kontadennoù an harzoù etre Saoz ha Skos, ha broudet e oa gant an diouer a zastumadoù en e amzer. Ne anavezed neuze nemet dastumad Dinah Craik, The Fairy Book, embannet e 1869. Hervez Roger Lancelyn Green, e stourme Lang a-enep kelennourien ha skridvarnourien diouzh ar c'hiz a gave dezho e oa noazus ar c'hontadennoù kozh d'ar vugale dre ma oa krizded ha hunvre enno^[2]. Levrioù Lang eta a gemmas selloù ar remziadoù war ar seurt levrioù.

Al levrioù

The Blue Fairy Book (1889)
The Red Fairy Book (1890)
The Blue Poetry Book (1891)
The Green Fairy Book (1892)
The True Story Book (1893)
The Yellow Fairy Book (1894)
The Red True Story Book (1895)
The Animal Story Book (1896)
The Pink Fairy Book (1897)
The Arabian Nights' Entertainments (1898)
The Red Book of Animal Stories (1899)
The Book of Romance (1902), ennañ naontek kontadenn
The Crimson Fairy Book (1903)
The Brown Fairy Book (1904)
The Red Romance Book (1905)
The Orange Fairy Book (1906)
The Olive Fairy Book (1907)
The Book of Princes and Princesses (1908)
The Red Book of Heroes (1909)
The Lilac Fairy Book(1910)
The All Sorts of Stories Book (1911)
The Book of Saints and Heroes (1912)
The Strange Story Book (1913)
The Strange Story Book (1913)

Notennoù

↑ Day, Andrea (2017-09-19). "“Almost wholly the work of Mrs. Lang”: Nora Lang, Literary Labour, and the Fairy Books". DOI:10.1080/09699082.2017.1371938
↑ Roger Lancelyn Green, "Andrew Lang in Fairyland", in: Sheila Egoff, G. T. Stubbs, and L. F. Ashley, eds., Only Connect: Readings on Children's Literature, New York, Oxford University Press; second edition, 1980; p. 250.

Liammoù diavaez

[1] Day, Andrea (2017-09-19). "“Almost wholly the work of Mrs. Lang”: Nora Lang, Literary Labour, and the Fairy Books". DOI:10.1080/09699082.2017.1371938

[2] Roger Lancelyn Green, "Andrew Lang in Fairyland", in: Sheila Egoff, G. T. Stubbs, and L. F. Ashley, eds., Only Connect: Readings on Children's Literature, New York, Oxford University Press; second edition, 1980; p. 250.

[1]

[2]