Tour (savadur)

Un tour zo ur savadur, dezhañ muioc'h a uhelder eget a led. Gallout a ra an tourioù bezañ savadurioù anezho o-unan ha gallout a reont ivez bezañ lodennoù eus ur savadur brasoc'h, evel an tourioù iliz pe tourioù ar c'hestell.

Tour Pisa, en Italia

Rivinoù un tour savet en Oadvezh an Houarn, en enez Leòdhas.

Willis Tower e Chicago, e Stadoù Unanet Amerika. Tour uhelañ ar bed e oa etre 1973 to 1998.

CN Tower e Toronto, e Kanada.

Tourioù zo bet savet gant mab-den abaoe an amzerioù koshañ. Kavout a reer skouerioù anezho e savadurioù Mezopotamia, abaoe ar 4^re milved kent JK. En Henamzer, e Roma pe e Kartada, e oa tourioù karrezek implijet evit difenn kêrioù ha kampoù an arme, evel da skouer er mogerioù savet en-dro da Roma er 4^re hag en 3^de kantved kent JK. E Moger Vras Sina e kaver tourioù difenn ivez, savet e 210 kent JK, da vare an Dierniezh Qin.

Tourioù

Meur a implij a c'hall bezañ d'an tourioù :

• Tourioù modern eo ar skraberioù-oabl a saver bremañ da lojañ tud pe da reiñ bod da vurevioù.
• Ur roll difenn a oa gant tourioù ar Grennamzer, an tourioù-meur, a oa tiez-annez, ha tourioù difenn ar c'hestell.
• Ar siloioù hag ar c’hestell-dour a vez implijet da verniañ greun pe dour en uhel.
• An tourioù-tan, kenkoulz hag an tourioù iliz, ar minaredoù pe ar befrezoù a dalveze da gas keloù d'an dud a-bell. Bremañ pa vez darempred etre an dud dre skinoù ha n'eo ket dre arouezioù gwelet pe glevet hepken, e talc'her d'ober gant tourioù evit ar skingomz.

Tourioù brudet

• Tour Babel, e Mezopotamia
• Tour-tan Aleksandria, unan eus Seizh Marzh an Henved, en Ejipt
• Tour Herkules e Galiza
• Tour Pisa, un tour stouet en Italia
• Tour Eiffel, un tour metalek e Pariz, savet e 1889
• Empire State Building, e New York, ar skraber-oabl uhelañ er bed, etre 1931 ha 1954
• World Trade Center, seizh savadur uhel e New York hag en o zouez daou dour bet distrujet e miz Gwengolo 2001, an Twin Towers
• Burj Khalifa, e Dubai, an tour uhelañ er bed, abaoe 2009