Emgannoù start a voe e Wijtschate e-pad ar Brezel bed kentañ. Dalc'het e voe Wijtschate gant ar C'hallaoued hag ar Vreizhveuriz betek ar 1añ a viz Du 1914. Adkemeret e voe gant nerzhioù ar C'hommonwealth e miz Even 1917 ha gant an Alamaned e miz Ebrel 1918. Kemeret e voe en-dro gant nerzhioù ar C'hommonwealth d'an 28 a viz Gwenholon 1918.
Ar Monumant d'ar London Scottish Regiment: savet eo bet evit degas soñj ag an emgann adalek an 30 a viz Here betek an 3 a viz Du1914. 394 soudard, diwar 700, eus ar London Scottish Regiment (Rejimant Skosat Londrez) a voe lazhet en emgann. Digoret e voe ar savadur e miz Mae1924 gant ar Roue Alberzh Iañ.
Ur vered ag ar Brezel bed kentañ eo. Digoret e voe e miz Even 1917 gant an 19th Division Burial Officer hag implijet betek miz Du 1917. Seizh eus ar vilourion douaret enni a chom dianav. Daou vez all a voe degaset, unan e 1918 hag an hini all e 1919. 51 bez alaman a voe tennet goude an arsav-brezel eus an 11 a viz Du1918[3].
Bered ar C'hommonwealth : Derry House Cemetery No. 2
Ur vered ag ar Brezel bed kentañ eo. Digoret e voe e miz Even 1917 e-mesk rivinoù un atant bet anvet Derry House gant soudarded ar Royal Irish Rifles. Krouet e voe gant ur c'hlañvdi-tachenn eus an 11th Division (32nd Brigade). Betek miz Kerzu 1917 e voe implijet da vered talbenn, hag adarre betek miz Here 1918 gant ar 2nd London Scottish[4],[5].
Ur vered ag ar Brezel bed kentañ eo. Digoret e voe e miz Even 1917. 55 anezhe a oa er rejimant Royal Irish Rifles. An darn vrasañ eus ar vilourion douaret enni a varvas d'ar 7 a viz Even 1917, kalz anezhe a voe lazhet gant ur pikol minenn bet lakaet dindan an douar gant o c'henseurted[6],[7].
Bered ar C'hommonwealth: Oosttaverne Wood Cemetery
Ur vered ag ar Brezel bed kentañ eo. Digoret e voe e miz Even 1917 gant an IX Corps Burial Officer hag implijet betek miz Gwengolo 1917. Goude dibenn ar brezel e voe degaset bezioù all eus an tachennoù emgann hag eus beredoù bihan, beredoù alaman peurliesañ, tro-war-dro. Implijet e voe en-dro gant ar Vreizhveuriz e miz Mae 1940 e-pad an Eil brezel-bed p'edont o kilañ war-zu Dukark[8]. 783 milour bet lazhet e-pad ar Brezel bed kentañ ha pemp eus ar re lazhet e-pad an Eil brezel-bed a zo chomet dianav[9].
Ur vered ag ar Brezel bed kentañ eo. Digoret e voe gant ar 1st Battalion, Dorset Regiment e miz Kerzu 1914 e tu-reter ti-feurm Les Douze Bonniers, adanvet R.E. Farm. An ti-feurm a chomas e dal'ch ar Re Gevredet betek miz Ebrel 1918. Implijet e voe ar vered gant unanadoù-stourm ha klañdioù-tachenn betek miz Ebrel 1946, hag a-wechoù e 1917. Un eil vered, R.E. Farm No.2 a voe digoret gant ar 1st Battalion, Dorset Regiment e tu kornôg an ti-feurm; homañ ve servijas ket kalz hag an 23 bez a oa enni a voe lakaet er vered Nn 1 goude an arsav-brezel eus an 11 a viz Du1918[10],[11].
Ur vered ag ar Brezel bed kentañ eo. Digoret e voe Somer Farm Cemetery No. 1 e miz Even 1917 hag implijet betek betek miz Meurzh 1918 hag e miz Here 1918 en-dro. Bezioù ar vered Somer Farm Cemetery No.2 a voe lakaet e Wytschaete Military Cemetery[12],[13].
Bered ar C'hommonwealth : Spanbroekmolen British Cemetery
Ur vered ag ar Brezel bed kentañ eo. Digoret e voe e miz Even 1917. 42 eus ar vilourion douaret enni a varvas d'ar 7 a viz Even 1917, an tri all d'an 8. 42 anezhe a oa er rejimant Royal Irish Rifles. Distrujet e voe ar vered en emgannoù, adkavet e voe goude an arsav-brezel eus an 11 a viz Du1918, met ne c'hellaed ket adkavet bezioù c'hwec'h soudard douaret enni[14],[15].
Bered ar C'hommonwealth : Torreken Farm Cemetery No. 1
Ur vered ag ar Brezel bed kentañ eo. Digoret e voe Torreken Farm Cemetery No. 1 e miz Even 1917 gant ar 5th Battalion, Dorset Regiment hag implijet da vered talbenn betek miz Ebrel 1918 hag e miz Here 1918 en-dro. Bezioù ar vered Somer Farm Cemetery No.2 a voe lakaet e Wytschaete Military Cemetery[16],[17].
Bered ar C'hommonwealth : Wytschaete Military Cemetery
.svg){kind=small}
Belgia
Kumuniezh flandrezek
Kornôg-Flandrez
Aostralia
.svg){kind=small}
Rouantelezh-Unanet
.svg){kind=small}
Sina
.svg){kind=small}
Alamagn
Bro-C'hall
Indez
.svg){kind=small}
Kanada
Zeland-Nevez
.svg){kind=small}
Afrika ar Su