Wolfsburg

Wolfsburg

Lec'hiadur

Titouroù
Gorread	204,02 km2
Poblañs	121 451 (12/2010)
Stankted	595 annezad/km²
Uhelder	63 m
Kod post	38400–38448
Evit pellgomz	05361, 05362, 05363, 05365, 05366, 05367, 05308
Politikerezh
Bro	Alamagn
Land	Saks-Izel
Karterioù	17 Ortschaften, 40 Stadtteile
Oberbürgermeister (maer)	Klaus Mohrs, SPD
Lec'hienn	www.wolfsburg.de

Wolfsburg a zo ur gêr-arondisamant en Alamagn, e Land Saks-Izel, nepell diouzh ar stêr Aller ha stok ouzh kanol hirañ Alamagn, Mittellandkanal hec'h anv. E Wolfsburg emañ sez Volkswagen.

IstorAozañ

Labouradeg Volkswagen AG e Wolfsburg

Kastell Wolfsburg

D'ar 1an a viz Genver 1938 e voe krouet Wolfsburg gant an anv Stadt des KdF-Wagens bei Fallersleben (kêr ar Volkwagen Käfer e Fallersleben). Fellout a rae da bennoù bras an Trede Reich kaout ur gêr da lojañ labourerien labouradeg Volkswagen a oa bet krouet eno.

D'an 11 a viz Ebrel 1945 e voe bombezennet al labouradeg, an div drederenn anezhi a voe distrujet. Ha goude ar brezel e vo anvet «Wolfsburg», diwar anv ar gêr gozh a oa bet savet diwarni. Goude-se e voe renet labouradeg Volkswagen gant ar major saoz Ivan Hirst.

E 1955 e voe savet ar milionvet Käfer e Wolfsburg.

Ar milionvet VW Käfer (1955)

E-pad bloavezhioù ar burzhud ekonomikel e kreskas kêr, ha labourerien estren a voe degemeret enni, al lod brasañ anezho a oa Italianed.

E 1972 e voe kendeuzet ar c'humunioù nesañ (evel Fallersleben ha Vorsfelde) e Wolfsburg. Ar mirdi arzoù a voe digoret e 1994.

E 2000 e voe krouet an diskouezadeg-mirdi anvet «die Autostadt» (kêr ar c'hirri). E 2003 e voe savet «Arena» Volkswagen. Pa voe savet pempvet rummad ar Volkswagen Golf e voe anvet Wolfsburg «Golfsburg», etre ar 25 a viz Eost hag an 10 a viz Here 2003.