Yezekael

Yezekael, pe Judikael a zo un anv-badez brezhonek. Anaout a reer ar stumm gallekaet Judicael.

Gwrizienn

Savet eo diwar ar gerioù henvrezhonek iudic, (aet da iuzik), eus iud, a dalv kement hag "aotrou", ha hael, a dalv kement ha "brokus".

Rouaned

Delwenn da Yezekael, roue Domnonea, e Pempont.

Tri den, daou roue hag ur c'hont zo anavezet en anv-se en istor Breizh:

• Yezekael, roue Domnonea, 590-658.
• Yezekael, roue Breizh, 876-888
• Yezekael Naoned, kont Naoned, 974-1004
• Judikael Gwened, eskob Gwened

Anv-tiegezh

Deuet eo an anv-badez da vout un anv-tiegezh, dezhañ meur a stumm :

• Jezekel, pe Jézéquel
• Jikael, pe Jikel, pe Gicquel, an anv en dije roet Jekyll, e romant Stevenson
• Juel

Implij

Ne vez ket roet an anv-badez ken, marteze abalamour ma'z eo anavezet gwelloc'h evel anv-tiegezh.

Pennadoù kar

• Gicquel
• Jézéquel
• Juhel