Yezh lieskreizennek
Er yezhoniezh e vez implijet an termen yezh lieskreizennek (saoz: pluricentric language) evit komz eus ur yezh ganti meur a yezh unvan tost pe dostoc'h an eil ouzh eben, peurliesañ abalamour ma vez komzet an hevelep yezh e meur a vro disheñvel, da skouer:
disheñvel eo yezhadur, geriaoueg ha reolennoù reizhskrivañ ar saozneg hervez al lec'h ma vez komzet, da skouer:
- Saozneg Stadoù-Unanet
- "I never did that" ("biskoazh ne'm eus bet graet se")
- "Do you have a light?" ("ha tan ac'h eus?")
- "faucet" ("tuellenn")
- Saozneg Bro-Saoz
- "I've never done that"
- "Have you got a light?"
- "tap"
Rannyezhoù disheñvel ez eus ivez er Stadoù-Unanet hag er Rouantelezh-Unanet ivez ha doareoù saozneg disheñvel en India, e Kanada, en Aostralia, h.a.
Meur a yezh liskreizennek a gaver en Europa hag ivez dre ar bed, en o zouez:
- Portugaleg: dreist-holl hervez ma vez komzet e Portugal pe Brazil.
- Spagnoleg: diforc'h etre ar yezh evel ma vez komzet e Spagn diouzh un tu hag an doareoù all implijet e Kreiz Amerika ha Suamerika