6,8 × 51 mm
Ar 6,8 × 51 mm, anvet ivez .277 Fury pe .277 SIG Fury, zo ur munision armoù-skoaz kinniget gant skourr stadunanat an embregerezh SIG Sauer e 2019, evit ezhommoù arme Stadoù-Unanet Amerika. Ur c'halibr etre eo, galloudusoc'h evit ar re 5,56 mm met bihanoc'h e zreuzkiz evit ar re 7,62 mm, en ur vezañ ken hir hag ar 7,62 × 51 mm[1].
| 6,8 × 51 mm .277 Fury | |
|---|---|
| Doare | |
| Doare korf an douilhez | Kreuzenn |
| Doare skeiñ | e-kreiz |
| Bro orin |  Stadoù-Unanet Amerika
|
| Muzulioù | |
| Ø bannadell | 7,06 mm |
| Ø trogleuziñ | 6,86 mm |
| Ø kolier | 7,87 mm |
| Ø skoaz | 11,71 mm |
| Ø korf an douilhez | 11,95 mm |
| Ø strad | 11,99 mm |
| Tevder ar strad | 1,37 mm |
| Hirder an douilhez | 51,2 mm |
| Hirder ar gartouchenn | 71,8 mm |
| Perzhioù all | |
| Pouez ar vannadell | 9 g |
| Tizh o vont e-maez V0 | 840 - 910 m/s |
| Gwask ar gazoù d'ar muiañ | 5.500 bar |
| Energiezh ar vannadell | 3.074 - 3.669 J |
| Lezenn | |
| Rummad e Bro-C'hall | ? |
Istor
kemmañE 2022 e embannas ar Pentagon stadunanat en doa dibabet an arm savet gant SIG Sauer evit kemer plas ar garabinenn M4 hag an M249 da geñver ar programm nevesaat NGSW (Next Generation Squad Weapon). An arm kinniget gant SIG a oa kambret e 6,8 × 51 mm, ur c'halibr ijinet gante, e bal bezañ galloudusoc'h evit ar 5,56 × 45 mm NATO implijet betek hiziv en armeoù AFNA, a c'hall bezañ harzet gant jiledoù a-enep boledoù marc'hadmat modern. Resisoc'h eo ar gartouchenn nevez, hag hiroc'h he hed-tenn ivez[1].
Ar 6,8 × 51 mm a vefe bet dibabet gant armeoù broioù 'zo eus norzh Europa. Gellet a rafe neuze kemer plas tamm-ha-tamm ar 5,56 mm NATO e armoù arme Frañs ivez un deiz bennak[2].
Daveennoù
kemmañ- Taolenn ar munision war lodenn TDCC lec'hienn ar CIP
- ↑ 1,0 ha1,1 (fr) Le 6,8 mm, nouveau calibre de référence ?, war Taisson, 10/06/2022 (lennet d'an 30/08/2024)
- ↑ (fr) LAGNEAU Laurent, Choisi par l’US Army pour ses fusils d’assaut, le calibre 6,8 x 51 mm va-t-il se généraliser au sein de l’Otan ?, war Opex360.com, 17/07/2024 (lennet d'an 30/08/2024)
