Austrasiatica hirasei

Krogit e-barzh !
Un danvez pennad eo ar pennad-mañ ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ. 

Austrasiatica hirasei
Rummatadur filogenetek
Riezad :	Animalia
Skourrad :	Mollusca
Kevrennad :	Gastropoda
Urzhad :	Littorinimorpha
Kerentiad :	Cypraeidae
Genad :	Austrasiatica
Anv skiantel
Austrasiatica hirasei (Roberts,1913)
D'ar vevoniezh e tenn ar pennad-mañ.

Austrasiatica hirasei a zo unan eus ar pemp spesad a vez renket er genad Austrasiatica e kerentiad an hoc'higed-mor hervez Word Register of Marine species WoRMS. Ur spesad kregin ral a vev er Meurvor Habask etre Japan, Filipinez ha Norzh Aostralia en dour don an hini eo.

Taksonomiezh

Diskrivet eo bet ar spesad gant Roberts e 1913 dindan an anv genad Nesiocypraea. An anv hirasei a zo bet roet en honor da Y. Hirase marvet e 1925.

Heñvelsterioù a zo hervez an diskriverien evit ar spesad-se daoust d'an anv Austrasiatica hirasei o vezañ implijet un tamm muioc'h eget ar re all:

• Cypraea hirasei (Roberts, 1913) hervez ar re a renk an holl spesadoù Cypraeidae er spesad nemetañ Cypraea.
• Nesiocypraea hirasei (Roberts, 1913) anv an diskrivadenn hag anv aet da get.

Bevoniezh

Kregin brav ha ral eo an Austrasiatica hirasei. Kavet e vezont er mor don etre 60 m ha 500 m donder tapet gant dragourioù ha nebeut splujerien.

Ment

Mentoù boutin ar c'hregin etre-se a zo etre 38 mm ha 54 mm hirder, met e c'hell bezañ kavet hiniennoù korrig betek 29 mm gour pe ramz, betek 66 mm.

Gwelout ivez

Austrasiatica deforgesi, Austrasiatica alexhuberti, Austrasiatica langfordi, Austrasiatica sakuraii spesadoù all ar genad. Erronea hungerfordi, ur spesad gant tresadennoù tost.

Kartenn al lec'hioù bevañ

Lec'h bevañ ar spesad a zo eus Japan betek Filipinez ha Queensland en Aostralia..