Brennieg

Brennieg (Brignac e galleg) a zo ur gumun eus Breizh e kanton Ploermael e departamant ar Mor-Bihan.

Brennieg
Ar maerdi.
Anv gallaouek	Brinyac
Anv gallek (ofisiel)	Brignac
Bro istorel	Bro-Sant-Maloù
Melestradurezh
Departamant	Mor-Bihan
Arondisamant	Gwened
Kanton	Ploermael
Kod kumun	56025
Kod post	56430
Maer Amzer gefridi	Martial Le Breton 2014-2026
Etrekumuniezh	Ploermael Kumuniezh
Bro velestradurel	Bro Ploermael - Kalon Breizh
Lec'hienn Web	https://brignac.bzh/
Poblañsouriezh
Poblañs	198 ann. (2022)
Stankter	15 ann./km²
Douaroniezh
Daveennoù lec'hiañ	48° 07′ 18″ Norzh 2° 23′ 13″ Kornôg
Uhelderioù	kreiz-kêr : 84 m bihanañ 68 m — brasañ 126 m
Gorread	13,12 km²
Brennieg

Douaroniezh

• War ar stêr Yvel ha Stêr an Dug emañ Brennieg, e-barzh un draonienn.

Anv

Stummoù skrivet

• Jean-Yves Le Moing : "... Brignac, skrivet Brennac e 1165 ..."
• Embannadurioù Flohic : "Brignac, da vare ar Romaned, e oa anvet Brennac".

Gerdarzh

• Dauzat & Rostaing : "diouzh un anv den galian ha roman *Brinnius, diouzh galianeg Brennos, *Brinnos ha lostger -acum".
• Hervé Abalain : "Brehnac e 1330; kentoc'h Brinniacus < *Brinnius, un displegadenn diazezet war brenn : ul lec'h ez eus runioù, a zo da sell; cf. Brigneuc".
• War pezh e lavar Ogée, Brennieg en em gav en un draonienn; evel-se eo diaezh da ginnig runioù; mont war zu ur wrizienn evel *bracu- = lec'h gleb e vefe tostoc'h eus talvoudegezh an anv.

Ardamezioù

rannet; ouzh 1, en gul e dri dorzhell en erminoù; ouzh 2, en argant e dreustell en sabel heuliet gant teir flourdilizenn en gul, 2, hag 1; e gab dentek en aour karget gant un dreustellan kommek en glazur

Istor

• Brennieg e oa ur barrez eus eskopti Sant Maloù. Staget eo bet ouzh hini Gwened e-kerzh an Dispac'h gall.

Dispac'h Gall

• Melestradurezh: krouet e voe kumun ar gumun e 1790. Gant al lezenn eus an 23 a viz Eost 1790 e voe lakaet Brennieg e kanton Maoron; e Bann Ploermael edo. Gant lezenn an 8 pluviôse an IX (28 a viz Genver 1801), dezhi an titl loi portant réduction du nombre de justices de paix, e voe miret ha brasaet ar c'hanton dindan anv kanton Maoron ivez, chom a reas ar gumun er c'hanton. Lakaet e oa bet Brennieg en Arondisamant Ploermael bet krouet e 1800.

XIX^vet kantved

Brezel Gall-Prusian eus 1870

• Mervel a reas ur gwaz eus ar gumun.

XX^vet kantved

• Mervel a reas 30 gwaz eus ar gumun abalamour d'ar brezel, da lâret eo 3,40 % eus he foblañs e 1911.

Eil brezel-bed

• Mervel a reas un den eus ar gumun abalamour d'ar brezel; serret e oa bet d'an 20 a viz Genver 1944 gant an Alamaned goude ma voe bet lazhet ur soudard alaman e Gwiler-Porc'hoed; mervel a reas e kamp-bac'h Mauthausen en Aostria.

Monumantoù ha traoù heverk

• 
  Kreiz ar vourc'h.

• 
  An iliz katolik.

• Iliz katolik Sant Bartelame .

• 
  Ar monumant.

• Monumant ar re varv. Dioueliet e voe d’ar 27 a viz Even 1926.
• Plakenn ar re varv (1914-1918) en iliz katolik,luc’hskeudenn.

Emdroadur ar boblañs abaoe 1962

Niver a annezidi

Tud

Liammoù diavaez

• (fr) Lec'hienn ofisiel
• (br) Brennieg war lec'hienn Geobreizh

Levrlennadur

• (fr)Hervé ABALAIN : Les noms de lieux bretons. Universels Gisserot. 2000.
• (fr)Albert DAUZAT et Charles ROSTAING : Dictionnaire étymologique des noms de lieux en France. Librairie Larousse, 1963; Librairie Guénégaud, 1978.
• (fr)Éditions FLOHIC : Le patrimoine des communes du Morbihan. 1996.
• (fr)Michel FROGER et Michel PRESSENSE : Armorial des communes du Morbihan. Froger SA. 1996.
• (fr)Jean-Yves LE MOING : Noms de lieux bretons de Haute Bretagne. Coop Breizh. 1990.
• (fr)Ogée ː Dictionnaire Historique et Géographique de la Province de Bretagne, dédié à la Nation Bretonne. Nouvelle édition, revue et augmentée par MM. A. Marteville et P. Varin. Rennes. Molliex, 1845. Editions Régionales de l'Ouest. Mayenne. 1993
• (br)Erwan VALLERIE : Diazezoù studi istorel an anvioù-parrez * Corpus * Traité de toponymie historique de la Bretagne. An Here. 1995