CZ 75

Ar CZ 75 zo ur bistolenn damaotomatek produet abaoe 1975 gant an embregerezh tchek Česká Zbrojovka. Awenet eo he gwikefre gant hini ar Browning Hi-Power. Implijet e vez gant ar polis e Tchekia, Turkia hag e lec'hioù zo e Stadoù-Unanet Amerika. Priziet eo ivez gant an dennerien-sport abalamour dezhi da vezañ resis-tre ha sasun. Ar pistolennoù Tanfoglio TA 95 italian ha Jericho 941 israelat zo awenet ganti.

CZ 75
CZ 75
Kinnig
Bro	Tchekoslovakia  Tchekia
Mont en-dro	Pistolenn damaotomatek daou-ober
Munisionoù	9 mm Parabellum (da gentañ) .40 S&W 9 × 21 mm IMI
Produer	Česká zbrojovka a.s.
Mare implij	Abaoe 1975
Pouez ha muzulioù
Mas (hep kartouchenn)	1 kg
Mas (karget)	1,180 kg
Hirder	206 mm
Hirder ar c'hanol	120 mm
Perzhioù all
Hed-tenn pleustrek	25 m
Endalc'h	Karger-fiñv 15 kartouchenn (stumm orin) Kargerioù-fiñv enne etre 10 ha 26 kartouchenn (stummoù all)
Adstummoù	Gwelet en destenn
Lezenn
Rummad e Bro-C'hall	B

Gwikefre

Stummoù disheñvel a gaver :

• platinenn daou-ober ha sistem dizarmiñ war ar CZ 75 BD, ar CZ 75 BD compact hag ar CZ 75 P01 (reolius er polis tchek abaoe 2001).
• platinenn daou-ober nemetken, sistem dizarmiñ aotomatek ha morzhol damguzh war ar CZ 75 DAO ha 2075 RAMI.
• platinenn un-ober ha sistem surentez dre zorn war ar CZ 75 SA implijet er sportoù tennañ dreist-holl.
• tenn aotomatek war ar CZ 75 automatic (war-dro 1000 tenn / munutenn).
• gwikefre azasaet d'an dehoùidi koulz ha d'ar gleizidi war ar CZ 85.

Kalibr

Kambret e oa ar CZ 75 e 9 mm Parabellum da gentañ. Ur stumm e .40 S&W a gaver ivez. Endalc'h ar c'harger a zo :

• 15 tenn e 9 mm Parabellum evit ar stummoù kentañ ;
• 16 tenn e 9 mm Parabellum evit ar stummoù nevesañ ;
• 12 tenn e .40 S&W ;
• 10 tenn en armoù gwerzhet e SUA er bloavezhioù 1990 ;
• 18+1 tenn er CZ 75 SP01 Shadow 9 mm Parabellum savet evit an tenn pleustrek hag an TAR (Tennañ gant Armoù Reolius).

Daveennoù

  Stag eo ar bajenn-mañ ouzh Porched an Armoù-tan