Cent

Ar cent a zo ur moneiz a gaver e meur a vro, anezhañ kantvet (1/100vet) rann ar moneiz diazez.

Evit ar moneiz implijet e Stadoù Unanet Amerika hag e Kanada e vez graet gant an arouez « ¢ » (Unicode U+00A2).

Gerdarzh

Dont a ra ar ger cent eus ar ger latin "centum", da lavarout eo kant.

Broioù

Dre vras e vez kavet ar cent er broioù a ra gant ur moneiz anvet dolar (pe dollar) pe euro, daoust ma kaver anvioù all ivez, evel SUA ha Kanada, Aostralia, Zeland-Nevez, Singapour, Hong Kong, Taiwan, Barbados, Bahamas, Belize, Bermuda, Brunei, Fidji, Grenada, Jamaika, Liberia, Namibia, Zimbabwe, inizi all er Mor Karib hag en Unaniezh Europa. Dre vras ivez eo broioù saoznek a ra gant ar ger.

Penny

E SUA ha Kanada, e vez lavaret penny alies eus ar pezh 1¢, diwar anv ofisiel ar pezh a vez implijet e Breizh-Veur, hag a zo bremañ kantvet rann al lur sterling.

En Iwerzhon e vez lavaret penny a-wechoù eus ar pezh 1 cent (kantvet rann an euro), abalamour ma tenn d'ar penny iwerzhonat hag a oa kantvet rann al lur iwerzhonat, a laoskas e lec'h d'an euro e 2002.

E brezhoneg

Evit kantved rann an euro e ra lod gant ar stumm brezhonekaet sent (liester sentoù), tra ma vez lod all oc'h ober gant santim (diwar kantvet rann al lur gall pe diwar an doare erbedet e galleg Bro-C'hall a zo centime (d'euro)), pe kantim^{(Daveoù a vank)}, kentim^{(Daveoù a vank)}, pe lod all c'hoazh oc'h ober gant liard (diwar anv brezhonek ar pezh moneiz a dalveze ur c'hard eus ur gwenneg) evel en ur ganaouenn diwar-benn implij ar chekennoù brezhonek.

Implij unan eus ar gerioù-se a ranker ober alies pa skriver chekennoù brezhonek.

Pennadoù kar

• Centime
• Céntimo