Claude Michel (melldroader)
Claude Michel (Coco e lesanv) a oa ur melldroader breizhat, bet ganet d'ar 24 a viz Ebrel 1971 e Karaez-Plougêr.
Kreizer rastellañ (niverenn 6) e bost war an dachenn c'hoari e oa chomet e vicher-pad er c'hleub War-raok Gwengamp…ar pezh na vez ket diouzh ar c'hiz ken an deiz a hiziv.
_Michel.jpg)
E vicher
kemmañErruet e oa e Gwengamp d'e 15 vloaz eus KS Rostrenenn. Eñ an hini eo en devoa merket ar pal a rae da Wengamp mont er 1añ Rummad d'ar 27 a viz Mae 1995.
Kemeret en devoa perzh en e grogad kentañ er 1añ Rummad d'an 19 a viz Gouere 1995 ouzh FK Martigues (2-0).
Siwazh dezhañ en devoa tennet e-maez diwezhañ tenn er pal da geñver gourfenn Kib vell-droad Bro-C'hall 1996-97 o lezel OJK Nisa da vezañ trec'h a-benn ar fin.
Evitañ da vezañ c'hoariet ouzhpenn 200 krogad n'en deus lakaet pal ebet er 1añ Rummad.
D'ur 27 a viz Mae ivez, met e 2005 ar wech-mañ, en devoa graet e gimiad diouzh bed ar vell-droad a-vicher goude bezañ c'hoariet 7 koulzad er 1añ pe 2l Rummad.
E vicher e kleub
kemmañ| Koulzad | Kleub | Rummad | Krogadoù c'hoariet | Palioù | Kib Europa | Krogadoù c'hoariet | Palioù |
|---|---|---|---|---|---|---|---|
| 1992/93 | Gwengamp | 2l Rummad | 0 | 0 | / | / | / |
| 1993/94 | Gwengamp | National | 31 | 0 | / | / | / |
| 1994/95 | Gwengamp | 2l Rummad | 42 | 2 | / | / | / |
| 1995/96 | Gwengamp | 1añ Rummad | 32 | 0 | / | / | / |
| 1996/97 | Gwengamp | 1añ Rummad | 35 | 0 | Kib Intertoto | 2 | 0 |
| 1997/98 | Gwengamp | 1añ Rummad | 32 | 0 | / | / | / |
| 1998/99 | Gwengamp | 2l Rummad | 24 | 1 | / | / | / |
| 1999/2000 | Gwengamp | 2l Rummad | 36 | 2 | / | / | / |
| 2000/01 | Gwengamp | 1añ Rummad | 33 | 0 | / | / | / |
| 2001/02 | Gwengamp | 1añ Rummad | 29 | 0 | / | / | / |
| 2002/03 | Gwengamp | Kevre 1 | 35 | 0 | / | / | / |
| 2003/04 | Gwengamp | Kevre 1 | 33 | 0 | / | / | / |
| 2004/05 | Gwengamp | Kevre 2 | 23 | 0 | / | / | / |
E ditloù
kemmañ- 1995 : kampion ar bed gant Skipailh mell-droad Bro-C'hall vilour,
- 1996 : aet Kib Intertoto gantañ,
- 1997 : gourfennad Kib vell-droad Bro-C'hall,
- 1998 : bet dibabet e Skipailh mell-droad Breizh da geñver ar c'hrogad Breizh-Kameroun (dalc'het d'an 21 a viz Mae 1998 e Roazhon),
- 1999 : c'hoarier 2l Rummad ar c'houlzad hervez ar gelaouenn France Football.
Cheñch micher
kemmañAet da c'hourdoner ur skipailh re yaouank e Gwengamp da gentañ-penn, anvet e oa bet da eiler Patrick Remy er c'houlzad 2006/07 hag e penn-kentañ hini 2007/08 a-raok ma voe skarzhet ar gourdoner meur. Abaoe 2009 e ra war-dro eil skipailh War-raok Gwengamp.