Laezh

Krogit e-barzh !
Un danvez pennad eo ar pennad-mañ ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ. 

Al laezh a zo un dourenn, pe ul liñvenn, gwenn he liv, a vez furmet e bronnoù ar bronnegezed e-keit ma vezont o tougen re vihan.

Ul leue o tenañ e vamm

Ur werennad laezh

Plac'hig al laezh, gant Martin Drolling (1752-1817)

Ar magadur gwellañ, hag an hini nemetañ a c'haller reiñ d'an darn vuiañ eus ar bronneged bihan eo: ennañ e kavont pezh zo ezhomm da greskiñ. D'ar vugale e c'haller reiñ pe laezh o mamm, o vezañ m'eo ur vronnegez ivez, pe hini ul loen bronnek bennak all, laezh-saout dreist-holl en hon bro.

Goro

Dre vras, pa vez kaoz a laezh e vez kaoz eus hini ar saout eta. Evit tennañ laezh digant ur vuoc'h, pe digant ur c'havr pe un dañvadez, pe ur gazeg pe ur gañvalez, e c'heller gwaskañ war begoù o bronnoù, ar pezh a vez anvet goro (ul loen). Er broioù diorroet e vez goroet ar saout (pe ar chatal all) gant un ardivink a reer goroerez anezhañ.

Greanterezh al laezh

Produet e vez al laezh e-kreiz atantoù bras er broioù diorroet ken e vez goroet diwar ar saout miliardoù a litradoù laezh, a vo evet pe debret e stumm boued-laezh.

Peurliesañ e vez tennet an darn vuiañ eus an dienn: diziennet e vez al laezh, ha gant an dienn e vez graet amann.

• Kaoz zo bet, e 2008, ne oa ket a-walc'h a laezh ken, ez aje ar prizioù war-raok abalamour da se.
• Manifester ez eus adarre gant ar saverien saout-laezh abalamour ne vezont ket paeet a-walc'h pa vez gwerzhet keroc'h gant ar stalioù bras.
• E Bro-Sina e vez lakaet traoù kimiek el laezh, ken ez eus bet miliadoù a vugale glañv. Aon zo e c'hoarvezfe kemend-all en hon bro en da-zont.

Al laezh er yezh vrezhonek

Krennlavaroù ha troiennoù

Gwelit Krennlavaroù diwar-benn al laezh.

• Diouzh o dent e vez goroet ar saout
• Dous evel al laezh
• N'eus ken gwaskañ war e fri hag e teuy laezh

Laezhioù

laezh a-dreuz, laezh nevez-c'horoet, ha n'eo ket kignet pe digoavenet, gwelout levrioù Jules Gros. laezh-bistro laezh-bouc'h: anv dizereat a vez graet eus ar sper laezh-bourjon, pe bourjonek, pe bourjonet laezh-dienn, pe diennek laezh diziennet, pe digoavenet laezh-dous, enebet ouzh laezh trenk, pe laezh-ribod laezh-druz laezh-glas, pe glazet, laezh-gludennek, laezh-goedennek laezh-gwelv laezh-gwendarzh laezh-kaoulet laezh-kignet, pe diziennet

laezh-koaven, pe koavenek, anv all al laezh-dienn laezh-kriz, ha n'eo ket bet poazhet laezh-kujen laezh-livrizh, pe laezh-dous (llefris eo anv al laezh e kembraeg an hanternoz) laezh-neudennek laezh-peka, pe laezh-peket, kentañ laezh ur vuoc'h nevez-halet laezh-poazhet, kontrol d'al laezh-kriz laezh-ribod laezh-tarv: evel laezh-bouc'h laezh-tarzhet laezh-tourgouilh laezh-trenk laezh-tro laezh-uzen, pe laezh-peka dourlaezh, pe dour-laezh (hervez Geriadurig Roparz Hemon), a zo laezh mesket gant dour

Gerioù gant laezh enno

laezhadur laezhaj laezhañ laezh-bleiz laezheg laezhegenn laezhek laezhenn laezhenn-raz laezher laezherezh laezh-gavr pe laezh-koukoug laezhlec'h pe laezhti laezhus laezhvuzulier

hag ivez boked-laezh boked-laezh-ribod buoc'h-laezh dilaezh gwenn-laezh kellaezh oan-laezh porc'hell-laezh

Sellout ivez

Yaourt en un asied.

• amann
• goroerez
• goroerezh
• dienn pe koaven
• dienn-skorn
• kafe-laezh
• kaouled
• ribod
• bara laezh
• riz dre laezh
• yaourt

Laezh en taolennoù

• 
  Plac'h al laezh , gant Johannes Vermeer (v. 1660-1661). Implijet eo bet al livadur gant ar varc'hadourien evit brudañ o boued-laezh.
• 
  Gabrielle d'Estrées gant ur c'hoar dezhi: gwelout a reer piñsañ beg bronn ar vaouez da c'houzout ha laezh zo ganti

Pennadoù kar

• Reiñ laezh d'ur bugel

Pennadoù kar

• L'Ouest en mémoire (Ina) - Sell war giz ouzh an harz labour en industriezh al laezh 1982
• L'Ouest en mémoire (Ina) - Harz labour en industriezh al laezh
• L'Ouest en mémoire (Ina) - Kudennoù industriezh al laezh