Eurioù munut Anna Breizh
Eurioù munut Anna Breizh zo un horae ad usum Romanum ("Eurioù giz Roma"), un eurioù a oa da Anna Breizh (1477-1514).
E Levraoueg Vroadel Bro-C'hall emañ, anvet Très Petites Heures d'Anne de Bretagne e galleg ha miret dindan an niverenn renabl Ms. NAL 3120.
 Anna Breizh | |
|---|---|
 An Degemenn, follennoù 27v-28r | |
| Mare | E-tro 1497-98 |
| Stumm | 162 follenn, 28 skeudenn |
| Ment (U x L) | 66 x 46 mm |
| Doare | Enliverezh war barch |
| Arzour | Jean d'Ypres, alias Mestr Anna Breizh |
| Lec'hiadur | Bibliothèque nationale de France Pariz (Renabl : Ms. NAL 3120) |
Unan eus an dornskridoù bihanañ a zo deuet betek ennomp eo, pa'z eo 66 mm uhelder e follennoù ha 46 mm o ledander ; bihanoc'h eget ur gartenn-vank 86 x 54 mm eo eta.
Deskrivadur kemmañ
- Levr
E-tro 1497-98 e voe savet an dornskrid war 162 follenn barch keinet e leuegen kinklet en aour hag argant ; alaouret ivez ha kizellet eo troc'had al levrig, a zo en ur voest leuegen kinklet en aour.
War ar follenn 159r emañ ar ger diwezhañ : Amen. Diskriv eo chomet ar follennoù 14r, 14v, 15r, 159v betek 169v.
- Skrid
Latin eo ar yezh, skrivet diwar skouer skritur an arzourien italian pa dreuzskrivent oberennoù an Henamzer, hag e frammoù 40 x 25 mm gronnet a ginkladurioù alaouret ; alaouret ivez eo ar pennlizherennoù war ur foñs glas pe ruz.
- Skeudennoù
Skeudennoù liesliv bras zo, 28 anezho, ha 51 skeudennig ma'z eus tudennoù.
- Flourdiliz Bro-C'hall hag erminigoù Breizh a ya d'ober foñs meur a bajenn : ar follennoù 20v[1], 25r[2], 29v[3], 32r[4], 36v[5] hag all.
- Ardamezioù Bro-C'hall ha Breizh, hanter-hanter war ur skoed toget gant ur gurunenn roueel kizellet e flourdiliz hag erminigoù zo e traoñ ar follenn 40v.[6]
- Flourdiliz hepken zo war ar follenn 33v[7].
Danvez kemmañ
Un horae ad usum Romanum, un eurioù klasel eo Eurioù munut Anna Breizh ; evel ar braz eus an eurioù eo e framm.
|
|
-
David penitiour (F. 88r) -
Dasorc'h Lazar Betania (F. 102r.)
Aozer kemmañ
Hogozik a-unvouezh e lavar ez eo bet livet Eurioù munut Anna Breizh gant Jean d'Ypres (14..? – 1508)[10] alias Mestr Anna Breizh
, Mestr Eurioù munut Anna Vreizh
, Mestr rozenn ar Chapel-Santel
, Mestr Hemolc'h an unkorneg
ha Mestr Buhez sant Yann Badezour
[11],.
Tonkad an oberenn kemmañ
Gant Anna Breizh e chomas betek he marv d'an 9 a viz Genver 1514 e Blois (Bro-C'hall). Aet an dornskrid diwar wel e-pad tremen 400 vloaz en em gavas gant ar barzh gall Émile Vitta (1866-1954)[12]}, ha goude e-kerz ar c'hont Guy de Jacquelot de Boisrouvray (Pondivi, 1 Kerzu 1866 - Genthod, 26 Eost 1954) ; hennezh a roas an dornskrid d'ar Stad c'hall e 1961.[13]
Levrlennadur kemmañ
- (fr) Avril, François. Les manuscrits à peinture en France. Paris : Flammarion, 1998 (ISBN 978-2-08-012176-9)
- (fr) Walther, Ingo F. & Wolf, Norbert. Chefs d'œuvre de l'enluminure – Les plus beaux manuscrits du monde de 400 à 1600. Köln : Taschen, 2005 (ISBN 978-3-8228-4748-0)
Pennadoù kar kemmañ
Liammoù diavaez kemmañ
- (fr) (la) An dornskrid. Kavet : 06/06/2022.
Notennoù kemmañ
- ↑ F. 20v.
- ↑ F. 25r.
- ↑ F. 29v.
- ↑ F. 32r.
- ↑ F. 36v.
- ↑ F. 40v.
- ↑ F. 33f
- ↑ 8,0 ha8,1 Merkit an dildenn : e galleg e oa pell a-raok hec'h implij e brezhoneg !
- ↑ Gregor XII a zilezas ar garg d'ar 4 a viz Gouere 1415, ha d'an 18 a viz Here 1417 ez eas da Anaon ; 9 fab a voe war e lerc'h, Aleksandr VI o ren adalek an 11 a viz Eost 1492 betek an 18 a viz Eost 1503, da lavaret eo d'ar mare ma voe aozet an dornskrid-mañ. Adalek 1572 e renas Gregor XIII.
- ↑ (fr) Bibliothèque nationale de France. Kavet : 06/03/2022.
- ↑ (fr) Bibliothèque nationale de France. Kavet : 06/03/2022.
- ↑ (fr) {{cite web|url=https://data.bnf.fr/10422367/emile_vitta/ |title=BnF|accessdate=06/03/2022}
- ↑ Walther & Wolf, 2005.