FN 502
An FN 502, anvet ivez FN 502 Tactical, zo ur bistolenn damaotomatek produet gant an embregerezh alaman Umarex abaoe 2021 evit an embregerezh stadunanat FN America, skourr an FN Herstal eno[1]. Kambret eo e .22 Long Rifle.
| FN 502 | |
|---|---|
| Kinnig | |
| Bro |  Stadoù-Unanet Amerika
|
| Doare | Pistolenn damaotomatek un-ober |
| Mont en-dro | Tennata, kulasenn frank |
| Munisionoù | .22 Long Rifle |
| Produer | Umarex (evit FN America) |
| Mare produiñ | Abaoe 2021 |
| Pouez ha muzulioù (stumm orin) | |
| Mas | 0,672 kg |
| Hirder | 193 mm |
| Hirder ar c'hanol | 116 mm |
| Perzhioù all | |
| Endalc'h | Karger fiñv 10 pe 15 kartouchenn |
| Lezenn | |
| Rummad e Bro-C'hall | B |
Deskrivadur
kemmañDiazezet eo war an FN 509, ur bistolenn kambret e 9 mm Parabellum, met un-ober hepken eo he flatinenn hag ur c'hi he deus. Ur reilh Picatinny a gaver dindan he c'hanol, ha peadra da sevel ostilhoù evel ur buker poent ruz war ar riklerez. Evit gellet en ober ez eus bet implijet metalioù skañvoc'h evit reoù an FN 509 abalamour da wander ar c'hartouchennoù .22 LR e-keñver ar re 9 mm[2]. Ur c'houch a zo montet warni. Gwerzhet e vez gant daou garger, unan 10 kartouchenn hag unan all 15 kartouchenn[3]. Sazilet eo he c'hanol evit gellet degemer ur reduer-son. Pouez-loc'hañ he draen a zo reoliet da 2,26 kg en uzin.
Levrlennadur
kemmañ- (fr) ALEXANDRE Guillaume, Le pistolet FN 502 en .22 LR : pour s'entraîner sans se ruiner !, e Cibles n° 647, miz Mae 2024, pp. 12-16
Liammoù diavaez
kemmañDaveennoù
kemmañ- ↑ (en) FN 502: FN America's first .22 Long Rifle pistol!, Guns Week, 03/09/2021 (lennet d'ar 14/11/2024)
- ↑ (en) KURTENBACH Joe, FN 502 Tactical .22 LR Pistol: Full Review, Guns & Ammo, 25/07/2022 (lennet d'ar 14/11/2024)
- ↑ (fr) FN 502 Tactical war lec'hienn an FN Herstal (lennet d'ar 14/11/2024)
