Hent-houarn kozh Kemper Douarnenez

Ul linenn hent-houarn a oa etre Kemper ha Douarnenez. Ne oa ket ul linenn hent-houarn strizh 1 metr he zreuz evel ar braz eus linennoù aRouedad Breizh, met ne oa ket tredanaet. An niverenn 478 000 eo en anvadur Réseau ferré de France (RFF).

Linenn hent-houarn Kemper – Douarnenez
Ti-gar Douarnenez-Treboull e 1914
Riez	Breizh
Kêrioù	Kemper • Douarnenez
Istor
Digoradur	1894
Klozadur	1988
Korvoerien	CCFPO (1884-1933) Stad c'hall (1934-1937) SNCF (1936-1991)
Spisverkoù teknikel
Niv. ofisiel	478000
Hirder	23,5 km
Treuz	Boutin (1,435 m)
Tredan	Ket
Forzhioù	1
Naou serzhañ	20 ‰
Tremenerezh
Perc'henn	Departamant Penn-ar-Bed
Tremenerezh	Hent glas (kerzherien, marc'hhouarnerien)

Bloaziadoù

• 7 a viz Ebrel 1884 : digoradur al linenn.
• 29 a viz Genver 1894 : linenn hiraet betek Gwaien.
• 1972 : klozet d'ar veajourien.
• 1988 : klozet d'ar fred.
• 18 a viz Kerzu 1991 : klozadur.
• 1995 : prenet gant Kuzul-departamant Penn-ar-Bed evit digeriñ un hent glas.

Istor

E 1863 ec'h erruas an tren e Kemper. E 1878 e voe divizet astenn al linenn betek Douarnenez hag e 1882 e voe kroget gant al labourioù.

Er bloaz 1884 e voe digoret al linenn. An tren a rae 3 beaj bemdez, war-dro 1 eurvezh e pade ar veaj, gant un ehan e ti-gar Gwengad hag unan all e hini Ar Yeuc'h.

E 1972 e voe erlerc'hiet ul linenn kirri-boutin ouzh al linenn hent-houarn evit ar veajourien. Kendalc'het e oa bet gant trenioù-marc’hadourezh, gant danvezioù eus ar mor, ar greanterezh hag ar gounezerezh.

E-kerzh ar bloavezhioù 1970 e oa digresket a-galz an niver a zanvezioù kaset evel-se ; e 1988 neuze e reas an tren e veaj diwezhañ.

Goude klozadur al linenn gant an SNCF e voe prenet e 1995 gant Kuzul-departamant Penn-ar-Bed evit ober un hent glas, eleze un hent evit an dud war droad pe war varc'houarn, berzet d'ar c'harbedoù-tan.

Tres

• PK = Poent Kilometrek, an hed adalek porzh-houarn Kemper.

Ehan	Kemper	Gwengad	Ar Yeuc'h	Douarnenez-Treboull
PK	0	11	16,2	23,5

Porched hentoù-houarn Breizh Gwelit ar pennadoù hag ar rummadoù diwar-benn an hentoù-houarn Breizh.

Porched an treuzdougerezh – Gwelit ar pennadoù hag ar rummadoù diwar-benn an treuzdougerezh.