Hiatus

Er yezhoniezh e vez implijet an termen hiatus (diwar ar latin: hiātus, anv-gwan-verb hiāre, "digor"; saoz: hiatus) evit komz eus div vogalennoù renk-ouzh-renk e pep ur silabenn disheñvel, da skouer:

E diabarzh ur ger

brezhoneg: maoour

roumaneg: contraatac ("enepargad")

Etre daou c'her

galleg: ''il va à... ("mont a ra eñ da")

Gant meur a yezh e klasker doareoù da dizhout an eufoniezh dre ober hep un hiatus. Meur a doare disheñvel ez eus da vont e-bioù d'un hiatus ha kemmañ a reont a yezh da yezh.

A-wezhoù e c'hell bezañ degemeret gant ar yezh unvan doareoù reis da vont e-bioù d'un hiatus hervez pep yezh resis, a-wezhoù avat e c'hellont bezañ implijet dre gomz nemetken ha gant liveoù yezhoù sañset is-unvan hervez reolennoù an dereadegezh, da skouer:

Fonemoù efelkistikel, en o zouez an taol troc'h-avel, dre skrid pe dre gomz nemetken, da skouer:

Skrivet:

galleg: *va-y → vas-y ("kae (di)"; "gra 'ta")

alamaneg: Tokio + er → Tokioter ("Tokyoad")

Dre gomz nemetken:

alamaneg: Beamter [bəˈʔamtɐ] ("$fonctionnaire") :

saozneg: law and order distaget law-r-and order

Ereadurezh (liaison), da skouer:

galleg: les[z] enfants ("ar vugale")

Apoherezenn, da skouer:

henc'hresianeg ὦ ἄναξ → ὦ ῎ναξ ("O roue!")

Strizhadur, da skouer:

sañskriteg: Gaṇa ("tropell") + iśa ("aotroù") → Gaṇeśa (ger kevrennek)

Koazhadur, da skouer:

galleg: *la âme → l'âme ("an ene")

gresianeg: να είναι → να'ναι ("hag a zo")

Furmoù ispisial, da skouer:

galleg: *vieu[x] homme → vieil homme ("den kozh")

spagnoleg: *la agua → el agua ("an dour")

Tennañ a ra an holl doareoù ha reolennoù-mañ d'ar sandhi.

Hiatus

Gwelit ivez: