Kalibr 12
Ar c'hartouchennoù kalibr 12 eo ar munisionoù implijetañ er fuzuilhoù-chase flour o c'hanolioù. Poblek-tre int abaoe ar bloavezhioù 1950[1]. Liezimplij int ha gellet a reont bezañ karget gant drajez plom bihan, evit lapouseta, chaseal gedon, lern, pe gant drajez plom tev evit ar moc'h-gouez. Ur boled a c'haller lakaat e-barzh ivez evit ar moc'h-gouez pe an demmed. A-wechoù e vez staget an drajez plom etreze gant orjal a-benn brasaat galloud ar munision.
| Kalibr 12 | |
|---|---|
 Pevar c'halibr kartouchennoù-chase, a gleiz da zehou : .410 - Kalibr 28 - Kalibr 20 - Kalibr 12 | |
| Doare | |
| Kalibr | 12 / 18,5 mm |
| Doare douilhez | bourled |
| Doare skeiñ | e-kreiz |
| Muzulioù | |
| Ø bannadelloù | Etre 1 hag 8,5 mm |
| Ø trogleuziñ | 18,5 mm |
| Ø kolier | 20,20 mm |
| Ø korf an douilhez | 20,60 mm |
| Ø strad | 22,45 mm |
| Tevder ar strad | 1,85 mm |
| Hirderioù ar gartouchenn | 35 mm 44 mm 55 mm 60 mm 65 mm 67 mm 70 mm 73 mm 76 mm 89 mm |
| Pouez ha perzhioù all | |
| Pouez ar bannadelloù | 28 - 44 g |
| Tizh o vont e-maez V0 | 360 - 600 m/s |
| Energiezh ar vannadell | 3.000 - 5.000 J |
| Lezenn | |
| Rummad e Bro-C'hall | C |
Stummoù
kemmañ18,5 mm eo treuzkiz un douilhez kalibr 12. Evit envel doare ur munision e ouzhpenner hirder e zouilhez : ur gartouchenn 12/76 a ra 76 mm hirder. Hirderioù liesseurt a gaver war ar marc'had. Ar re implijetañ e Bro-C'hall eo an 12/65 (32 g plom), an 12/67 (67,5 mm, etre 32 ha 36 g plom), 12/70 (40 g plom) ha muioc'h-mui an 12/76, anvet ivez «12 Magnum», enni 50 g plom.
Hirderioù all a gaver :
- 35 mm ;
- 44 mm (pe Mini 12), ral, produet gant Aguila.
- 50 mm : kartouchenn evit bannadelloù kaoutchoug ;
- 55 mm ;
- 60 mm : kartouchenn ral savet evit ar fuzuilh MAG-7.
- 73 mm ;
- 89 mm : kartouchenn nevez en em gavet e Frañs, anvet ivez Ultra Magnum, enni etre 44 g ha 63 g plom.
Implijoù all
kemmañAr c'hartouchennoù kalibr 12 a c'hell bezañ karget ivez gant ur fuzeenn alarm, ur boled kaoutchoug pe gaz lakrimojen evit bezañ implijet gant ar polis da skouer.
Gwelet ivez
kemmañDaveennoù
kemmañ- Taolenn ar munision war lodenn TDCC lec'hienn ar CIP
- ↑ (fr) Le calibre 12 n'est pas un 12 millimètres ! war ar blog FCM25, 19/11/2014 (lennet d'an 10/02/2024)
