Kastell Machikoul
| Kastell Machikoul | |
|---|---|
.jpg) Mogerioù ar c'hastell. | |
| Anv(ioù) all | Kastell Jili Raez |
| Anv gallek | Château de Machecoul, château de Gilles de Rais |
| Marevezh pe stil | Krennamzer |
| Doare kastell | Kastell-kreñv |
| Savidigezh | XIIIvet - XVIvet kantved |
| Perc'henn a-vremañ |
prevez, kumun Machikoul-Sant-Masen |
| Gwarez |  Monumant istorel (2004)
|
| Lec'hiadur | |
| Daveennoù lec'hiañ | 46° 59′ 29″ N, 1° 48′ 51″ K |
| Bro |  Breizh
|
| Departamant |  Liger-Atlantel
|
| Bro hengounel |  Bro-Naoned
|
| Kumun | Machikoul-Sant-Masen |
kemmañ  |
|
Kastell Machikoul, pe Kastell Jili Raez, zo ur c'hastell savet e Machikoul, e Bro-Naoned, e gevred Breizh.
Savet e voe ar c'hastell kentañ en XIIIvet kantved, ha kemmoù a voe degaset dezhañ meur a wech a-hed ar c'hantvedoù. Pa oa en e bezh e oa ur c'hastell-kreñv, gant c'hwec'h tour kranellek, un tour-meur ha touflezoù en-dro dezhañ.
Distrujet e voe goude an Dispac'h Gall ha Brezelioù Vande hag implijet e voe ar mein anezhañ evit sevel tiez ha pavezañ hentoù e Machikoul. Hiziv ne chom nemet tammoù mogerioù anezhañ.
Istor
kemmañSavet e voe ar c’hastell en XIIIvet kantved, e-lec’h unan koshoc’h, eus an IXvet kantved, war ribl ar stêr Falleron, gant aotrounez Rae. Tri maread labourioù a voe : e deroù an XIIIvet kantved, e-tro 1500 hag e dibenn ar XVIvet kantved.
Unan eus kestell Marzioù Breizh e oa, war harzoù Poatev, evel kastell Klison pe hini Tiffauges. Ur c’hastell pouezus eo evit istor Breizh eta. Ouzhpenn se e voe unan eus lec’hioù annez aotrouien Raez. Eno e oa bet Jili Raez (1405-1440) o vevañ, moarvat, ha dre se e reer "kastell Jili Raez" anezhañ. Hervez a lenner en aktaoù e brosez e oa bet lazhet meur a blac’h yaouank gantañ er c'hastell-se. Dirak dor ar c'hastell ivez e oa bet Jili Raez o’n em zaskor da zileuriad an dug Yann V, a-raok bezañ kaset da Naoned da vezañ barnet d’ar 15 a viz Gwengolo 1440[1].
E-pad an Dispac'h Gall e oa bet c'hwezhet an tan er c'hastell, e 1792. Eno ivez e voe prizoniet republikaned e 1793[2]. E 1804 e voe diberc’hennet aotrou diwezhañ Raez, Alexandre de Brie-Serrant (1748-1814), ha prenet e voe ar c'hastell gant kumun Machikoul. Lezet e voe war an dispalu ha troet e voe en ur vengleuz e deroù an XIXvet kantved. Talvezout a rae ar mein anezhañ da veinañ hentoù ar vro ha da sevel tiez. Maen-badeziant iliz Machikoul hiziv a zeu eus chapel ar c'hastell[3].
Hiziv ne chom nemet aspadennoù eus ar c’hastell : mogerioù diavaez an tour-meur hag un tamm moger diabarzh. Lakaet e voe ar rivinoù-se war roll ar monumantoù istorel e 2004[4].
Pennadoù kar
kemmañLiammoù diavaez
kemmañNotennoù
kemmañ- ↑ Matei Cazacu, Gilles de Rais, Paris, Tallandier, 2005, p.157.
- ↑ Lec’hienn Mirdi Bro Raez
- ↑ INFOBRETAGNE. Glad Machikoul, 2008.
- ↑ Diaz Mérimée