Koad Gwerc'h
| Koad Gwerc'h | |
|---|---|
 Koad Gwerc'h | |
| Anv gallek | Forêt de la Guerche |
| Melestradurezh | |
| Bro |  Bro-Roazhon
|
| Departamant |  Il-ha-Gwilen,  Mezven
|
| Kumun | Kelon, Radenez, Saint-Aignan-sur-Roë |
| Gwarez | TNLELP |
| Statud | Koad prevez |
| Douaroniezh | |
| Daveennoù lec'hiañ | 47° 52′ 55″ N, 1° 13′ 23″ K |
| Gorread | 3228,75 ha |
| Uhelderioù | bihanañ 76 m — brasañ 112 m |
| Gwez | Derv, pin, faou |
kemmañ  |
|
Koad Gwerc'h[1] a zo ur goadeg prevez war harzoù Breizh ha Maen. En em astenn a ra war 3 228 hektar e kumunioù Kelon ha Radenez en Il-ha-Gwilen dreist-holl[2], hag e Saint-Aignan-sur-Roë e Mezven. Perc'hennet eo gant ar Société immobilière de l’Ouest ha berzet eo d'an dud diavaez evit an darn vrasañ.
Istor
kemmañKoadoù Gwerc'h, ar Perzh, Felger hag Arez a yae d'ober gwechall ur goaged hepken etre ar Riedoned hag ar Genomaned, ur seurt marzioù kentañ etre Breizh, Maen hag Anjev[3].
Liesseurted ar vuhez
kemmañEr c'hoad bras-mañ ez eus bet renablet:
- 69 spesad laboused a vez kavet o neizhiañ ennañ, en o mesk ar plomer-kuchenn, ar skilvaou-wesped, ar skoul glas, ar falc'hun-gwez, ar gouelanig maskl du, an alc'hweder-gwez, ar rulosteg bailh, ar puig-Bonelli, an dreolan kabell flamm, ar glazaour Europa, ar speg du, ar speg krenn hag ar plomerig rous.
- Ar c'hi-dour european a zo bet gwelet du-hont ivez.[2]
Dervenn ar Werc'hez
kemmañ_Ch%C3%AAne_%C3%A0_la_Vierge.jpg)
Hervez ur vojenn, e-pad an Dispac'h gall, e kreiz ar Spont bras, eo bet diskoachet ur plac'h yaouank o pediñ e-tal un delwennig ar Werc'hez Vari e toull ur wezenn-derv gant soudarded Republikan. Goude bezañ nac'het da lâret pelec'h e oa bet kuzhet ur beleg didou e voe fuzuilhet e-harz ar wezenn.
E miz Ebrel 2018 eo bet losket an dervenn ha kemeret ez eus bet ur bloavezh evit he feuradsevel.
Daveoù ha notennoù
kemmañ- ↑ "Koad Gwerc'h" hervez KerOfis (Ofis Publik ar Brezhoneg)
- ↑ 2,0 ha2,1 (fr) TNLELP / ZNIEFF 530006459 - Forêt de la Guerche
- ↑ (fr) Reun Kerviler, Étude critique sur la géographie de la presqu'île armoricaine au commencement et à la fin de l'occupation romaine, 1874, p. 40