Koad ar Perzh
| Koad ar Perzh | |
|---|---|
.jpg) Kartenn Koad ar Perzh e galleg. | |
| Anv gallek | Forêt du Pertre |
| Melestradurezh | |
| Bro |  Bro-Roazhon
|
| Departamant | Il-ha-Gwilen |
| Kumun | Ar Perzh, Mondeverzh, Argantred-ar-Genkiz, Breal-Gwitreg |
| Statud | Koad prevez |
| Douaroniezh | |
| Daveennoù lec'hiañ | [ 48° 04′ N, 1° 04′ K] |
| Gorread | 1513,48 ha |
| Uhelderioù | bihanañ ? m — brasañ ? m |
| Gwez | Derv, faou |
kemmañ  |
|
Koad ar Perzh a zo ur c'hoad prevez e reter-pellañ Breizh. En em astenn a ra war 1513 hektar e kumun ar Perzh evit an darn vrasañ, en Il-ha-Gwilen hag e Bro-Roazhon[1]. Un dachenn neptu er marzioù boutin perc'hennet gant aotrounez Laval ha Gwitreg e oa, etre kontelezh Laval ha dugelezh Breizh. Koad ar Perzh, koad Misedon, koad les Gravelles ha koad les Éffretais e Mayenne a yae d'ober gwechall ur c'hoad brasoc'h, hini Frageu. Hiziv an deiz ez eo perc'hennet gant daou zen.
Liesseurted ar vuhez kemmañ
Un dervenneg hag ur faoueg eo.
Renablet ez eus bet er c'hoad:
- 260 spesad plant, 3 spesad gwarezet en o zouez: ar glizheolez-delioù-hir, ar Pilularia globulifera hag al Luronium natans hag ur spesad dibaot evit ar c'horn-vro, ar Pyrus cordata (gwez-per gouez).
- 32 spesad evned o neizhiañ ennañ, 5 anezho a zo ral er c'horn-bro: ar skilvaou-wesped, ar falc'hun-gwez, an houperig, an eostig bailh hag ar speg krenn.
- ha 2 spesad eskell-groc'hen , ar gousperell Daubenton hag ar skouarnegell c'hris.[1]
Istor kemmañ
Henamzer kemmañ
Koadoù ar Perzh, Felger, Gwerc'h hag Arez a yae d'ober gwechall ur goadeg hepken etre ar Riedoned er c'hornôg hag ar Genomaned er reter, ur seurt marz kentañ etre Breizh, Maen hag Anjev[2].