Loïc

Loïc zo un anv-badez gallek, deuet eus ar berranv brezhonek Laouig, berrstumm an anv-badez brezhonek Gwilherm (dre an adstumm Gwilhoù, distaget ivez Gwilhaou, berraet e Laou).

Ne zeu ket eus an anv brezhonek Loeiz. Koulskoude e Mervent Frañs e teu Loïc (ha Loïs) eus Lozoïc, anv Loeiz e provañseg kozh. Div orin zo evit an anv gallek eta.

Martezeadennoù all zo evit displegañ orin an anv (Loukas e gresianeg, Lowic e nederlandeg kozh) met n'int ket bet dervaet betek-henn.

Adstummoù

Loïck, Loïk ha Loïg dreist-holl.

Tud

Belgia

• Loïc Nottet, kaner
• Loïc Vliegen, marc'hhouarner

Breizh

• Loïc Le Ribault (1947-2007), douarour
• Loïc Amisse (g. e 1954), melldroader ha gourdoner
• Loïc Dubigeon (1934-2011), skeudennaouer, livour ha stilour
• Loïc Caradec, moraer
• Loïc Cauret, maer Lambal
• Loïg Chesnais-Girard, prezidant Rannvro Breizh
• Loïc Hénaff, penn embregerezh Jean Hénaff KVG, penn Produet e Breizh
• Loïc Jouannigot (g. e 1953), skeudennaouer levrioù evit ar vugale
• Loïk Le Floch-Prigent, kargiad uhel
• Loïck Peyron, moraer
• Loïc Raison, merk chistr

 Bro-C'hall

• Loïc Badé (g. e 2000), melldroader
• Loïc Guillon (g. e 1982), melldroader
• Loïc Jacquet, rugbier
• Loïk Le Priol (g. e 1994), stourmer eus an tu-dehoù pellañ
• Loïc Mbe Soh (g. e 2001), melldroader

 Hungaria

• Loïc Nego (g. e 1991), melldroader a orin gall.

 Madagaskar

• Loïc Lapoussin (g. e 1996), melldroader.

 Suis

• Loïc Perizzolo (g. e 1988), marc'hhouarner.