Louarn debrer-kranked
| |||
|---|---|---|---|
 C. thous
| |||
| Rummatadur filogenetek | |||
| Riezad : | Animalia | ||
| Skourrad : | Chordata | ||
| Kevrennad : | Mammalia | ||
| Urzhad : | Carnivora | ||
| Kerentiad : | Canidae | ||
| Genad : | Cerdocyon | ||
| Anv skiantel | |||
| Cerdocyon thous Linnaeus, 1766 | |||
D'ar vevoniezh   e tenn ar pennad-mañ. | |||
Al louarn debrer-kranked (Cerdocyon thous) a zo ur bronneg eus kerentiad ar c'hieged krenn e vent hag a vev e kreiz Suamerika. Ar spesad nemetañ eo er genad Cerdocyon hiziv an deiz met anavezout a reer ur spesad arall, aet da get er pleistosen: Cerdocyon avius. Heñvel a-walc'h ouzh al louarn debrer-kranked e oa war a seblant.
Gell-gris eo blevenn al louarn debrer-kranked, gant brizhelloù ruz war e zremm hag e bavioù. Du eo penn e lost hag e zivskouarn. Kreñv ha berr eo e bavioù ha hir ha blevek e lost. En e oad-gour e c'hell bezañ etre 5 ha 7 kg.
Bevañ a ra al louarn debrer-kranked er c'hoadegoù hag er savanennoù evel al llanos eus Su-Amerika. Hollzebrer eo met en em vagañ a ra diwar amprevaned, evned ha krignerien dreist-holl. Debriñ a ra vioù ha plant. Da vare koulzad ar glaveier e kranketa er c'hompezennoù liñvadennet. Un aneval-noz eo dreist-holl.
Genel a ra ar parezed un torad pe zaou bep bloaz. E koubladoù padus e vev al lern ha hemolc'hiñ a reont asambles.
Chaseet e vez al louarn a-wechoù met n'eo ket priziet-bras e vlevenn. Ne breizh ket ar chatal. Daoust ma n'emañ ket en arvar e tigresk e diriad dre ma vez aloubet gant al labourerezh-douar ha gant chas gouez.
Isspesadoù kemmañ
Daveoù kemmañ
- Nowak, Ronald M. (2005). Walker's Carnivores of the World. Baltimore: Johns Hopkins Press. ISBN 0-8018-8032-7
- Sillero-Zubiri & Hoffmann (2004). Cerdocyon thous. 2006 IUCN Red List of Threatened Species. IUCN 2006. Kavet war 11 May 2006. Database entry includes justification for why this species is of least concern
- lioncrusher.com
- Skeudennoù ha fedoù