Gwiana c'hall

Gwiana

Anv kreoleg

Gwiyan

Anv gallek (ofisiel)

Guyane

Melestradurezh

Frañs

Isprefetioù

Saint-Laurent-du-Maroni

Prezidant ar c'huzul-departamant

Gabriel Serville

Prefed

Antoine Poussier

Kod EBSSA

973

Kod ISO 3166-2

FR-GF

Poblañsouriezh

Poblañs

285 133 ann. (2020)^[1]

Stankter

3 ann./km²

Douaroniezh

Kenurzhiennoù

52° 59′ 20″ Su
5° 20′ 00″ Reter / -52.9889, 5.33333

Gorread

83 846 km²

Adrannoù

2

2

4

22

Gwiana, pe a-wechoù Gwian^[2], Gwiyan pe Lagwiyan pe La Gwiyan'n e kreoleg ((La) Guyane e galleg hag ent-ofisiel), a zo ur vro e biz Suamerika, a-hed ar Meurvor Atlantel.

E dalc'h Frañs emañ-hi. Un departamant tramor eo (DOM), hag evel holl DOMoù ar Republik c'hall eo ivez ur rannvro c'hall.

Unan eus seizh rannvro dreisttrobarzh Unaniezh Europa eo ivez.

An anv

Graet e vez alies Gwiana c'hall^[3], pe Gwiana Frañs^{(Daveoù a vank)}, anezhi evit he dishañvalout diouzh ar pezh a oa Gwiana Vreizh-Veur gwechall (bremañ Guyana), Gwiana an Izelvroioù (bremañ Surinam), ha Gwiana Venezuela, ur rannvro eus Venezuela anvet Guayana.

Kêrioù ar vro:

Cayenne (Kayèn e kreoleg), e-kreiz an arvor,
Kourou, er c'hornôg, dirak inizi ar Silvidigezh, ma voe prizoniet Alfred Dreyfus ha Gwilhoù Sezneg.
Saint-Laurent-du-Maroni (Senloran e kreoleg), war lez reter ar stêr Maroni, dirak Surinam.
Saint-Georges-de-l'Oyapock, war lez kornôg ar stêr Oyapock, dirak Brazil.

Ar poblañsoù

Ar Greoled, mesket du ha gwenn: 40 % eus ar boblañs;
An Amerindianed, kentañ pobl ar vro (Arawak, Lokono, Kalina, Wayana, Teko, Wayampi): etre 6 000 ha 9 000 den (5 % )
An Hmonged : 2 000 den (deuet eus Azia)
Ar re Zu maron pe ar Varoned (Saramaka, Paramaka, Boni) : 10 000 den
Ar re Wenn (deuet eus ar vro-benn): 12 % eus ar boblañs
Ar re arall (Sinaiz, Libaniz, Haitiz, Brazilianed)...