Pedro Petrone

Pedro Petrone Schiavone (lesanvet Perucho pe l'Artillero), bet ganet d'an 11 a viz Mae 1905 e La Comercial (ur c'harter eus Montevideo (Uruguay)) hag aet da Anaon d'an 13 a viz Kerzu 1964 er memes kêr, a oa ur melldroader etrebroadel uruguayat (araoger kreiz e bost dezhañ war an dachenn).

Pedro Petrone, luc'hskeudennet d'ar mare (1931) ma c'hoarie en Italia.

E vicher

Er c'hleuboù

Sed amañ da-heul ar c'hleuboù mell-droad en devoa c'hoariet enne :

• 1920-1923 : Solferino Montevideo,
• 1923-1924 : Charley Montevideo,
• 1924-1931 : Nacional Montevideo, aet da gampion Primera División de Uruguay e 1924,
• 1931-1933 : Fiorentina (Firenze, Rouantelezh Italia d'ar mare-se),
• 1933-1934 : Nacional, aet da gampion Primera División de Uruguay e 1933.

Diskouez a reas bezañ ur paler hep e bar : bezañ e voe peder gwech gwellañ goleador Primera División de Uruguay (d'ar mare amatour) ha capocannoniere Seria A italian e 1932 (pemp pal warn-ugent, rampo gant Angelo Schiavio).

E skipailh broadel Uruguay

Nav gwech warn-ugent en devoa douget krez La Celeste etre 1923 ha 1930, ha merket pevar fal warn-ugent.

Copa América

Kemeret en devoa perzh Pedro Patrone e pevar dalc'h, aet ar maout gantañ dre ziv wech (e 1923 ha 1924), renket da eil e 1927 ha da drivet e 1929. Sed amañ da-heul ar c'hrogadoù en devoa c'hoariet gant e skipailh broadel :

Deiziad	Lec'h	Krogad	Merk
4 a viz Du 1923	Estadio Gran Parque Central (Montevideo)	Uruguay - Paraguay	2-0
25 a viz Du 1923	Estadio Gran Parque Central	Uruguay - Brazil	2-1
2 a viz Kerzu 1923	Estadio Gran Parque Central	Uruguay - Arc'hantina	2-0

Gant e dri fal ez eas da wellañ paler ar genstrivadeg, rampo gant an arc'hantinat Vicente Aguirre.

Deiziad	Lec'h	Krogad	Merk
19 a viz Here 1924	Estadio Gran Parque Central	Uruguay - Chile	5-0
26 a viz Here 1924	Estadio Gran Parque Central	Uruguay - Paraguay	3-1
2 a viz Du 1924	Estadio Gran Parque Central	Uruguay - Arc'hantina	0-0

Gant e bevar fal ez eas da wellañ paler ar genstrivadeg ha, kement hag ober, dilennet e voe da wellañ c'hoarier ivez.

Deiziad	Lec'h	Krogad	Merk
6 a viz Du 1927	Estadio Nacional del Perú (Lima)	Uruguay - Bolivia	9-0
20 a viz Du 1927	Estadio Nacional del Perú	Arc'hantina - Uruguay	3-2

Gant e dri fal ez eas da wellañ paler ar genstrivadeg, rampo gant ar c'hoarierien arc'hantinat Alfredo Carricaberry ha Segundo Luna koulz hag e genvroiz Roberto Figueroa ha Héctor Scarone.

Deiziad	Lec'h	Krogad	Merk
1añ a viz Du 1929	Estadio Alvear y Tagle (Buenos Aires)	Paraguay - Uruguay	3-0

C'hoarioù Olimpek hañv

Ezel e oa eus ar skipailh a yeas ar vedalenn aour gantañ da-geñver C'hoarioù Olimpek hañv 1924 (e Pariz, Bro-C'hall) ha C'hoarioù Olimpek hañv 1928 (en Amsterdam, Izelvroioù). En degouezh diwezhañ-mañ ez eas da wellañ paler ar gevezadeg a-drugarez d'ar seizh (7) pal en devoa plantet e-barzh.

Krogadoù a vignoniezh

• 21 a viz Gwengolo 1924 e Montevideo : Uruguay 1-1 Arc'hantina,
• 28 a viz Gwengolo 1924 e Buenos Aires : Arc'hantina 0-0 Uruguay,
• 2 a viz Here 1924 e Buenos Aires : Arc'hantina 2-1 Uruguay,
• 10 a viz Kerzu 1927 e Viña del Mar : Chile 2-3 Uruguay,
• 16 a viz Mezheven 1929 e Buenos Aires : Arc'hantina 2-0 Uruguay.

Copa Lipton

• 29 a viz Eost 1927 e Buenos Aires : Arc'hantina 0-1 Uruguay,
• 21 a viz Gwengolo 1928 e Montevideo : Uruguay 2-2 Arc'hantina,
• 28 a viz Gwengolo 1929 e Buenos Aires : Arc'hantina 0-0 Uruguay.

Copa Newton

• 30 a viz Eost 1928 en Avellaneda : Arc'hantina 1-0 Uruguay,
• 20 a viz Gwengolo 1929 e Montevideo : Uruguay 2-1 Arc'hantina,
• 25 a viz Mae 1930 e Buenos Aires : Arc'hantina 1-1 Uruguay.

Kib vell-droad ar bed

Kemeret en devoa perzh en un dalc'h hepken :

• Kib vell-droad ar bed 1930 bet aozet en Uruguay ma oa aet ar maout gant skipailh broadel Uruguay. Ne c'hoarias nemet ar c'hrogad kentañ :
  18 a viz Gouere : Uruguay 1-0 Perou.

Liamm diavaez

• Krogadoù etrebrodael Pedro Petrone war 11v11