Pierre-Emmanuel Marais
| Pierre-Emmanuel Marais | |
|---|---|
| |
| Obererezh | Skrivagner |
| Ganedigezh | 1968 Naoned,  Bro-Naoned,  Breizh
|
| Yezh skrivañ | Brezhoneg, galleg |
| Enorioù | Priz Langleiz e 2012 |
| Oberennoù pennañ | |
| Alje 57 | |
kemmañ  |
|
Ur skrivagner ganet e Naoned eo Pierre-Emmanuel Marais. Ganet eo e 1968 en ur familh a orin eus Kastellbriant ha Gwenrann. Skrivet en deus levrioù, romantoù, ha danevelloù e brezhoneg hag e galleg. Danevelloù zo bet embannet gantañ e-barzh ar gelaouenn Al Liamm.
Desket en deus brezhoneg e-kerzh ar c'hentelioù noz e Naoned, ha bet eo kelenner ivez diouzh an noz e-pad pemp bloaz.
Krog eo da skrivañ e brezhoneg abaoe un toullad bloavezhioù hag en em varreka seul ma skriv. Kalz a blijadur a zegas se dezhañ. Disheñvel eo skrivañ e brezhoneg diouzh ar galleg, met ne oar ket perak. Marteze ez eo abalamour ma lak ar brezhoneg anezhañ da hunvreal dre ma 'z eo un tammig hud.
Oberennoù
kemmañE galleg gant Yoran Embanner
kemmañ- Nantes/Naoned, guide bilingue français-breton, 2006.
- Ne m'appelle pas Lola 2009 : ur romant polis eo gant un nebeud divizoù brezhonek.
Embannet ez eus bet gantañ danevelloù e galleg war lec'hienn "la revue des ressources.com"
E brezhoneg gant Keit Vimp Bev
kemmañPemp levr zo war e anv:
- Ronan ar c'horrigan (2007)
- Emgannoù Duncan O'Hara (2008). P'en deus skrivet ar romant-mañ, en deus graet evit e vab Brieg, ha levezonet eo bet gant lennegezh Sir Walter Scott. Bloavezh 1341. Deuet eo Duncan da Vreizh evit adkavout roudoù e dad hag evit sikour ar Vretoned feal da Yann Monforzh en o stourm a-enep da Charlez Bleiz. Ha da-heul Duncan, Luigi ur brezelour kozh ha Sinead un hudourez yaouank. Da stourm he do, hi ivez, ouzh Roy Black, an hudour kriz. Evit al levr-mañ en deus Pierre-Emmanuel Marais mesket daveoù istorel ha lec'hioù anavezet gant ul lodenn faltazi.
- Abati an aon (2009)
- Avalon (2010)
- Deomp Slowly (2012)
- Alje 57 (2012), romant tapet Priz Langleiz 2012 gantañ.