Sainte Tryphine et le Roi Arthur

Sainte Tryphine et le roi Arthur zo anv daou bezh-c'hoari brezhonek savet diwar-benn mojenn Trifina ha Konomor ; a-bell bras e tennont da vojenn Arzhur avat.

• Ur pezh anvet Sainte Tryphine et le roi Arthur – Mystère breton en deux journées et huit actes, a voe dastumet, troet e galleg hag embannet gant Fañch an Uhel e Kemperle e1863.

Adembannet eo bet e 2002 gant Presses Universitaires de Rennes ha Terre de Brume a-gevret, heñvel ouzh an embannadur orin ; ur rakskrid e galleg gant Françoise Morvan zo bet ouzhpennet.

• Ur pezh anvet Sainte Tréphine et le roi Arthur – Mystère en cinq actes, a voe dastumet gant Charlez Gwennou, troet e galleg gant Taldir hag embannet e Montroulez e 1899.

Ar skridoù

Disheñvel-bras an eil diouzh egile eo an daou bezh.

Sainte Tryphine et le roi Arthur (1863)

Sainte Tréphine et le roi Arthur (1899)

PENNAD KENTA C'hoariel 1 Ar roue Arzhur, Tryphina, ar gouarner, ann demezel a gampr, eur mevel,eur c'hannader, eur pach. Ar roue Me eo ar roue Arzur, ann aotrou souverenn, Breiz-Izel a zo oll dindan ma gourc'hemenn ; Ia, me eo, a dra sur, roue ar Vretoned, Ar gwir vestr hag aotrou d'ann noblans, d'ar brinsed. Da genta, Brest so d'in, Mogeriou ha Kestel, Landerne, Lezneven, Montroulez ha Kastel, Sant-Briec, Sant-Malo, ar gear goz a Wened, Roazon, kear-benn ar vro, hag ivez ann Naoned. Lannuon, Landreger, Karaës, Castellin, Ar Pont hag ar Faouet, ha Kemper-Kaourantin : C'hoaz am euz goude-ze, Moncontour ha Corlay, Lamball, ar C'hoz-Varc'had, Rostrenen, Kemperle ; Lanveur, ar Roc'h-Derrien, Castelaudren, Pontre, Pempoul, Guengamp, Callac, Hennebont hag Alre, Pontivy, Guerlesquin, Dinam ha Colline, Ha Loc-Mikaël-an-Trez, ar Goz-Iaudet ive. Ar gear-hont a Raozon, eno ema bepred Parlamant Breiz-Izel, hag ar presidanted ; Adaleg penn-ar-bed beteg Pontorson E tiz ma oll c'halloud, e pad ma levezon. [...]

AKT KENTA Pennad kenta Daou baotr korn-boud, daou drompiller, eunn embanner, Pobl An Embanner Selaouit va c’homziou gand evez, Bretoned…! Ar Roue braz Arzul, (dre holl ra vo meulet !) A zeu enn ho pete, he Rouanez gant'hañ. Trifina, eur brinsez kaër e touez ar c’haërañ… Grit d’hezo digemer evel m’az eo dleet : Diskwellit, gan-e-hoc’h holl, pegemend int karet ! P’az oc’h holl sujidi eéun a frank a galon, P’hoc’h euz ouz hor mestr mad eur garante wirion, Na choumit, va zud keiz, na simud, na bouzar… Grit ma vezo klevet, war vor ha war douar, Holl ho moueziou, emberr, o krial enn eur vouez : « Bevet Arzul-ar-Meur ! Bevet hor Rouanez !… » Eunn dichentil, e kreiz ar bobl Hervez ho kourc’hemen, e vezo gret Aotro, Ha, mar karomp Arzul, emberr c’houi hen gwelo… D’ar Rouanez ive lid gan-e-omp e vo gret, Ra vezo deuet mad e-touez ar Vretoned… ! [...]

Liammoù diavaez

• Skrid F.-M. Luzel, 1863
• Skrid Ch. Gwennou, 1899

Gwelet ivez

• Demat