Françoise Morvan

Françoise Morvan zo ur skrivagnerez c’hallek ganet e Rostrenenn e 1958. Kuitaet e oa bet Breizh gant he zud hag ober a reas he studi e Colombes, hag er Sorbonne, en ur heuliañ kentelioù brezhoneg. Skolveuriekaet e voe war al lizhiri d’he 22 vloaz. Goude-se e reas un doktorelezh war al lennegezh c’hallek diwar-benn Armand Robin, ur barzh a orin eus Rostrenenn, ha diwezhatoc’h un dezenn doktorelezh war François-Marie Luzel.

Françoise Morvan

den

Reizh pe jener	plac'h
Bro ar geodedouriezh	Frañs
Anv e yezh-vamm an den	Françoise Morvan
Anv-bihan	Françoise
Anv-familh	Morvan
Deiziad ganedigezh	1958
Lec'h ganedigezh	Rostrenenn
Kompagnun(ez)	André Markowicz
Yezh vamm	galleg
Yezhoù komzet pe skrivet	galleg, brezhoneg
Yezh implijet dre skrid	brezhoneg
Bet war ar studi e	Skol-veur Pariz IV, Skol-veur Breizh-Uhel, Faculté des lettres de Sorbonne Université
Rener tezenn	Marc Gontard, Francine Dugast-Portes, Pêr Denez
Oberenn heverk	Le Monde comme si
Diellaouet gant	Institute for Contemporary Publishing Archives
Lec'hienn ofisiel	http://francoisemorvan.com

Hec'h oberennoù

N’eus ket skridoù brezhonek anavezet diwar he dorn.

Embannadurioù gallek

Anavezet eo he skridoù graet e-barzh c’hwec’h tachenn dreist-holl :

• 1. Skridoù lennegel e-barzh kelaouennoù gallek evel la Nouvelle Revue Française, Obsidiane, Le Nouveau Commerce, ha niverenn ispisial ar gelaouenn Europe diwar-benn Breizh e 2005.
• 2. Labour evit ar c’hoariva, gant troidigezhioù eus pezhioù gant Eugene O'Neill, John Millington Synge ha Sean O'Casey, ha diwezhatoc’h ar skrivagner rus Anton Tchec'hov , gant ar ruseger André Markowicz, dreist-holl.
• 3. Labour-studi hag embann diwar un nebeud skrivagnerien, Luzel hag Armand Robin dreist-holl.

Ul labour a-bouez he deus graet oc'h embann pe adembann oberennoù Luzel. Diaes eo bezañ a-du ganti en he barnadennoù avat. Skrivet eo bet ganti mennozhioù diwar-benn labour Luzel er vuhezskrid savet ganti hag el levr Contes Bretons.

• 4. Levrioù evit ar vugale
• 5. Labour diwar-benn ar ‘’folklor’’ , ar boudiged hag al lutuned. Darn zo bet embannet gant ti-embann Ouest-France.
• 6. Al labour diwar-benn an emsav, pe enep dezhañ (hag a gaver roud anezhañ en he skridoù all a-wechoù ivez) an hini en deus roet ar muiañ a vrud dezhi. Al labour-se zo bet graet, pe a vez graet c’hoazh dreist-holl :
  • gant al levr Le Monde comme si.
  • e pennadoù-skrid e-barzh kazetennoù ha kelaouennoù gallek a bep seurt, evel l’Humanité, pe Bretagne-Ile de France, dalc’het gant ar PCF
  • e pennadoù-kaoz diwar-benn sevenadur ha politikerezh Breizh (pe a-enep dezho) e-barzh ur bern kelaouennoù parizian (L’Express, Nouvel Observateur, Libération, Charlie Hebdo) ;
  • e pennadoù embannet e pajennoù lec’hienn « L’Observatoire du Communautarisme», un aozadur a glask stourm ouzh kement tra a denn d’ar « gumuniezhouriezh »
  • e pajennoù al lec’hienn « dizalc’h » savet ganti hag anvet Groupe information Bretagne (GRIB)

Le Monde comme si

Al levr, kinniget evel ur buhezskrid, a zo ivez ur flemmskrid a-enep d'an emsav dre vras, kaoz ennañ eus "Barzhaz Breizh", eus an dizemglev etre Kervarker ha Fañch an Uhel, eus an emsav sevenadurel hag an emsav politikel e Breizh, eus emzalc'h an emsav e-pad ar brezel, eus krouidigezh ar peurunvan, eus Per Denez dreist-holl hag e-leizh a dud all, eus Skol-Uhel ar Vro, eus Diwan, eus Ofis ar Brezhoneg, eus an arc'hant roet d'an embann brezhoneg, eus ar Gwenn-ha-Du, hag un toullad traoù all c'hoazh.

Ur stourm

Evit kenderc'hel gant he stourm a-enep an emsav he deus skrivet pennadoù e-leizh en ur bern kelaouennoù gall a-gleiz.

Kenlabourerien

Kenlabouret he deus ivez

• gant ar Réseau Voltaire, ha tud evel Renaud Marhic, met paouezet e oa bet gant ar c'henlabour foran pa oa bet krog ar rener Thierry Meyssan da embann ne oa ket bet kouezhet karr-nij ebet war ar Pentagon e Washington e 2001;
• gant L'Observatoire du Communautarisme en doa aozet, gant ar "Grand Orient de France", un diviz e Sened Bro-C'hall d'ar 24 a viz Du 2006 , e-lec'h m'he devoa distaget ur brezegenn a-enep ar Garta europat evit ar yezhoù bihanniver, hag a-enep difennerien ar yezhoù evel Diwan: [[2]]
• gant kevrenn Roazhon al "Ligue des Droits de l'Homme".
• gant La Libre Pensée, an aozadur a oa bet o kas en-dro an abadenn evit divadeziñ skolaj Roparz Hemon
• ar strollad politikel Parti des Travailleurs
• ar gelaouenn Bretagne Ile-de-France, kazetenn an USBIF, dalc'het gant rummad kozh ar PCF
• ar "Grand Orient de France" hag ar senedour Jean-Luc Mélenchon un ezel oberiant ennañ, hag en deus komzet a-enep Diwan meur a wech.

A-enep tamall ar simbol

En e levr Le Monde comme si e ro he savboent diwar-benn ar simbol, ha difenn komz brezhoneg er skol:

• “ … et cette manière de faire croire que le breton était interdit parce que la langue de l’école était le français… ” Le Monde comme si, p 328. ( … hag an doare-se da reiñ da grediñ e oa berzet ar brezhoneg peogwir e oa ar galleg a oa yezh ar skol)
• “ Aurait-il fallu que l’école soit faite en deux langues ? On se dit que oui. Seulement ça ne s’est pas fait". (Ha ret e vije bet ober ar skol en div yezh? Soñjal a reer e vije bet ret. met n'eo ket bet graet).

A-enep ar Breizh Touch

• E 2007 e Libération :.

A-enep ur gwarez bonreizhel d'ar yezhoù

• E 2008, a-enep lakaat ar brezhoneg hag ar yezhoù all er Vonreizh c'hall:.

A-enep ar Garta europat evit ar yezhoù rannvroel pe bihanniver

Abaoe 2006 da vihanañ eo krog da vrezeliñ a-enep ar garta, da lavarout eo abaoe an diviz e Sened Bro-C'hall d'ar 24 a viz Du 2006 , aozet gant L'Observatoire du Communautarisme hag ar "Grand Orient de France", e-lec'h m'he devoa distaget ur brezegenn a-enep ar Garta Europat-se, hag a-enep difennerien ar yezhoù evel Diwan: [[3]]

• E 2013, e Médiapart, e miz Ebrel hag e miz Gouhere.
• D'ar 14 a viz Eost 2013, e L'Humanité,.
• D'an 10 a viz Mae 2014,

A-enep Bonedoù Ruz 2013

• Ur pennad e Le Monde d'an 13 a viz Du 2013 : Bonnets rouges : des dérives autonomistes derrière les revendications sociales.
• Pennad e Médiapart d'ar 7 a viz Meurzh 2014: http://blogs.mediapart.fr/edition/les-invites-de-mediapart/article/070314/les-bonnets-rouges-une-double-manipulation

A-enep Bro gozh ma zadoù

• Le « Bro Goz » - GRIB

Da lenn

• Skridoù Fañch an Uhel, un 18 levr, embannet gant ar PUR (Presse Universitaire Rennaise)
  • en o zouez ar pezh-c'hoari Sainte Tryphine et le Roi Arthur
• Luzel, Françoise Morvan, Terre de Brume. Buhez ar skrivagner tregeriat. Nebeud a dra avat diwar-benn e varzhonegoù brezhonek.

Barnadennoù

• Barnadennoù a-du ganti dreist-holl a c’haller kavout el lec’hiennoù ma kenlabour.
• Re all a gav abeg en e skridoù a vo kavet e-barzh ar gelaouenn Hopala, e pajennoù zo eus levr Mikael Treger Aborigène Occidental pe el levr Composition française gant Mona Ozouf.

Liammoù

• Anciennes complaintes de Bretagne
• Groupe Information Bretagne
• https://web.archive.org/web/20060212092400/http://delairagauche.net/article.php3?id_article=112
• Lec'hienn bersonel ar skrivagnerez (2012): [4]
  • db wikipedia : francoisemorvan.com
  • db "ar vroadelourieon ha ne garont ket ar werz" : http://francoisemorvan.com/les-nationalistes-bretons-naiment-pas-la-gwerz/
• http://www.franceinter.fr/emission-la-bas-si-jy-suis-de-quelle-couleur-le-bonnet-rouge
• Pennad e Libération ma lenner ali Françoise Morvan hag André Markowicz db lec'h ar brezhoneg e Roazhon: http://www.liberation.fr/villes/2005/03/19/le-culte-du-legume-par-andre-markowicz-et-francoise-morvan_513558

Liammoù all a bep seurt

• Evit gouzout hiroc’h war hec’h oberennoù n’eus ket gwelloc’h eget mont da lenn, er wikipedia gallek, ar pennadoù: Françoise Morvan, Le Monde comme si, Groupe information Bretagne, nationalisme breton, orthographe unifiée du breton, Luzel, hag all.