Groupe information Bretagne
Ar Groupe information Bretagne (GRIB) a zo ur c'hevredad krouet er bloavezh 2000.
Fellout a ra d'e izili reiñ keleier dizalc'h ha dihelloù diwar-benn ar c'hudennoù a sav bremañ e Breizh, emezo, ha da gentañ-penn an istor adskrivet gant ar vroadelourien hag « ar mont a-dreuz kumuniezhel a-vremañ degaset ha kaset war-raok gant an emsav broadelour.
Gant stourmerien dezho ur sell republikan eo e vez aozet ar c'helaouiñ "dizalc'h"-se, nemet embann a ra n'eo stag ouzh strollad politikel ebet. Aotreet eo implij skridoù ar GRIB gant ma vo meneget o orin. Diazezet eo ar GRIB e Montroulez.
Skeiñ mibin, skeiñ kalet
kemmañSkeiñ bazhadoù a ra tud ar GRIB gant kement hini a ne sav ket a-du gant o sell republikan, ha buan e vezer lakaet da vroadelour pa ne seller ket gant ar sell-se. E-touez an dud bazhataet e c'haller menegiñ, mesk-ha-mesk:
- Edmond Hervé, maer Roazhon, peogwir en deus krouet ur Comité de l'identité bretonne,
- Jean-Yves Le Drian, prezidant Kuzul-rannvro Breizh, dre m'en deus lakaet votiñ ur steuñv da zifenn ar brezhoneg;
- Didier Pillet, eus Ouest-France dre m'en deus aotreet embann un istor Breizh e bannoù-treset, ha dre ma ne vez ket embannet savboent ar GRIB er gazetenn;
- Mikael Treger, dre ma kred difenn Roparz Hemon en e levr "Aborigène Occidental";
- Patrick Le Lay, dre m'en deus klasket sevel ur skinwel un tamm brezhoneg ennañ;
- Per Denez, ha gantañ mesk-ha-mesk, Kuzul ar Brezhoneg, Embannadurioù an Here, o deus embannet skridoù Fañch an Uhel er skritur peurunvan,
- Bernez an Nail, ha kement levr skrivet gantañ, moarvat dre ma oa e penn Skol Uhel ar Vro
- Diwan, peogwir n'eo ket ur skol republikan, emezo;
- Kuzul Sevenadurel Breizh, a zo un aozadur broadelourien hervezo;
- tud Galv Karaez, dre m'o deus kredet sevel klemm abalamour da ganaouenn enepbreizhat ur c'haner parizian;
- hep ankouaat ar Gwenn ha Du, ur bier graet e Karaez, an delenn geltiek.
E-touez ar re a gemer perzh ennañ a-wel d'an holl
kemmañ- Françoise Morvan, Jean-Marc Huitorel.
- Al Libre Pensée hag o mignoned "republikan" a bep tu.
- Yvonne Bollmann.
Da welout ivez
kemmañO lec'hienn ha re all kenstag
kemmañ- Lenn a c'halled o c'helaouiñ gwechall e lec'hienn an Observatoire du Communautarisme, un aozadur hag a embanne keleier diwar-benn dañjer ar gumuniezhouriezh e Bro-C'hall. N'eus ket eus al lec'hienn-se ken met adtapet eo bet gant Comité Laïcité République.
Pennadoù a oa
- evel hini Anne-Marie Le Pourc'hiet, kelennerez e Skol-Veur ar Gwir e Roazhon, diwar-benn klemm Galv Karaez,
- pe re Pierrick Le Guennec diwar-benn istor an emsav politikel breizhat e-pad an eil brezel bed pe enep d'ar brezhoneg;
- Kas a rae d'ar bajenn [1] ma vez embannet enni al lizhiri enep ar panelloù divyezhek kaset gant tud ar strollad da Ouest-France, met ne gaver ket enni al lizhiri a-du gant ar panelloù. Graet eo ar bajenn-se evit levezoniñ an dilennidi a-enep ar panelloù divyezhek e Breizh.