Sant-Servan

Sant-Servan a oa ur gumun dizalc'h, war lez dehoù aber ar stêr Renk, a-raok bezañ staget ouzh Sant-Maloù e 1967.

An tour Solidor.

Skoed ardamez Sant-Servan

Istor

Dispac'h Gall

• Dekred eus ar 26 a viz Du 1790 war al le ret: embannet e voe bout mennet da nac'h al le ouzh ar Roue, ar vro hag al lezennoù gant ar person-dean, Gautier e anv, Livier, kure, ha Perrotin, beleg.

XX^vet kantved

Brezel-bed kentañ

• Fuzuilhet e voe ur soudard bet ganet er gumun gant al lu gall d'an 21 a viz Here 1915, e Tuniz, evit «muntr, ha klask muntrañ»; lazhet e voe unan all divarn gant e uhelourien en Estrées-Deniécourt d'an 10 a viz Gwengolo 1916 e-kerzh ur «rebellerezh».
• 428 gwaz a gollas o buhez abalamour d'ar brezel hervez monumant ar re varv, d.le. 3,34% ag ar boblañs hervez an niveradeg bet graet e 1911.

Monumantoù ha traoù heverk

• Kêr Alet, kêr-benn ar Goriosolited, he c'hreñlec'h, bunkerioù alaman ha dismantroù iliz-veur Sant-Pêr
• brudet eo an Tour Solidor
• monumant ar re varv
• park ha maner La Briantais

Tud

Tud bet ganet eno

• Louis Duchesne, istorour ha beleg, d'an 13 a viz Gwengolo 1853.
• Édouard Nowé, d'an 10 a viz C'hwevrer 1888, soudard er 5et batailhon kerzhet troadeien skañv, fuzuilhet d'an 21 a viz Here 1915 gant al lu gall, e Tuniz, evit «muntr, ha klask muntrañ».
• Pierre Le Gruiec, d'ar 1añ a viz Meurzh 1890, soudard er 120vet rujumant war-droad, lazhet divarn gant e uhelourien en Estrées-Deniécourt d'an 10 a viz Gwengolo 1916 e-kerzh ur «rebellerezh».
• Suzy Solidor ("Suzanne Louise Marie Marion" hec'h anv gwir), kanerez vreizhat ha gall, 18 a viz Kerzu 1900.
• Angèle Vannier, barzhez vreizhat, 12 a viz Eost 1917.

Tud bet marvet eno

• Félix Trochu, beleg diazezer ar gelaouenn bemdeziek L’Ouest-Éclair, 26 a viz Gwengolo 1950.

Tud all

• Jeanne Jugan (1792-1879), santez, he deus bevet eno