Wikipedia:Kumuniezh/An davarn

Pub...

... pe taverna ?

An Davarn

Ul lec'h evit sevel goulennoù pe flapiñ en un doare sioul ha dichipot diwar-benn wikipedia.

Ouzhpennañ ur gemennadenn

Tavarn ar sizhun • Dielloù

Aliañ a reomp start ar genlabourerien nevez da lenn ar mod implij.

Mod implij

Tavarnioù all : Tavarnioù all e brezhoneg : Wikeriadur, Kannadig ar verourien, Wikimammenn. Tavarnioù e yezhoù all : galleg, saozneg, kembraeg, galiseg, katalaneg, euskareg, spagnoleg, alamaneg, kerneveureg

Liammoù dedennus Kuzuilhoù evit an deraouidi : Kammedoù kentañ, Pennad heñchañ eeun, Pajenn skoazell, Foar ar Goulennoù, Fallvarchoù boas, Sevel ur bajenn nevez. Pajennoù pouezus all : Porched ar gumuniezh, Sevel ur goulenn ouzh ar verourien, Roll ar patromoù, Geriaoueg ar Wiki brezhonek.

Evit ober ho mad eus an davarn.

Evit respont d'ur gemenadenn, klikit war al liamm "kemmañ" e tu-dehou titl pep rann. Krogit ho respont gant ":". Sinit ho respont dre ouzhpennañ ~~~~ e fin ho kemennadenn. Evit ouzhpennañ ur gemenadenn nevez, war un tem nevez, klikit war "Ouzhpennañ ur gemenadenn", a-us. Arabat disoñjal lakaat un titl resis d'ho kemennadenn.

Evel e pep lec'h war wikipedia, arabat kunujenniñ na tagañ an dud. Bezit fiziañs en dud all. Na vagit ket ar roñfled. Ma sav ur gudenn etrezoc'h hag ur c'henlabourer all goulennit ali ur merour.

(10:50:02 CET)

Freskaat ar bajennad

---

Kaozeadeg eus ar 5vet sizhunvezh diwezhañ (sizhun 49, bloaz 2024)

02/12/2024 — 8/12/2024

Skrivañ un dra bennak en navvet sizhun ha daou-ugent eus 2024 | An davarn | sizhun a-raok — sizhun war-lerc'h

Rakgerioù ar sistem unanennoù etrebroadel

Emaon o adsevel ar pennad, ha kudennoù zo.

• Adenvel ar pennad : Rakgerioù an SI abalamour d'an adkas SI → Reizhiad unanennoù etrebroadel.
• Brezhonekaet eo bet skritur lod rakgerioù etrebroadel el listenn ; kinnig a ran doujañ d'ar stummoù ofisiel, e.g. deci, hecto, yotta, zetta... ha menegiñ ar skrivadurioù brezhonek pa 'z eus anezho (deki, kanti, hekto...).
• Diglok eo al listenn : 4 rakger zo bet ouzhpennet gant ar BIPM e 2019, daou anezho o vezañ quetta (10³⁰) ha quecto (10⁻³⁰) a ranker lezel en o stumm etrebroadel el listenn ofisiel ; pezh zo, n'emañ ket C ha Q el lizherenneg peurunvan. Me o lezfe evel m'emaint peogwir e oar an dud o lenn (gwelit C, Q, ha Listennad lavaredoù latin).
• Un tired a ranker skrivañ goude ur rakger : kilo-, mega-, hag all, neuze e vefe ret adenvel Yota → [Yotta-] a-douez reoù all.
• Ur patrom "Rakgerioù an SI" a savin evit kempenn an holl bennadoù a denn d'ar rakgerioù-se.

Ha mat eo ar c'hinnigoù-se d'ar gumuniezh ? — Ar choler (kaozeal) 14 Kzu 2024 da 18:35 (UTC)

---

Kaozeadeg eus ar 4^re sizhunvezh diwezhañ (sizhun 50, bloaz 2024)

09/12/2024 — 15/12/2024

Skrivañ un dra bennak en hanterkantvet sizhun eus 2024 | An davarn | sizhun a-raok — sizhun war-lerc'h

Kas logoioù war wikipédia e brezhoneg

Demat deoc'h,

Goût a ran ez eo posupl da gas logoioù war Wikipedia e galleg gant balizennoù "Marque déposée", gant ar pal implijout anezho war ur wiki resis hep na vijent kaset war Commons peogwir ne glot ket gant lezennoù ar broioù all.

Penaos ober kement all evit Wikipedia e brezhoneg ? Ar memes lezenn an hini eo, neuze e c'hellfemp ivez o implijout, met ne zeuan ket a-benn d'en ober.

Emaon oc'h ober tro ar chadennoù skinwel evit pinvidikaat pe grouiñ ar pennadoù, hag e vank din 4 logo evit poent d'an nebeutañ.

• Brezhoweb [1] ;
• Oc Tele [2] ;
• Kanaldude [3] ;
• Galoweb [4]

Unan bennak a ouife penaos ober ?

Trugarez

Brezhonegour (kaozeal) 15 Kzu 2024 da 12:48 (UTC)

Salud dit @Brezhonegour,

E wikioù zo, an hini gallek hag an hini saoznek en o zouesk, eo bet divizet ober nemedennoù d’al lezenn. N’eo ket an holl a-du gant se ha rankout a ra bezañ tud a oar al lezenn mat prest d’ober war-dro ar c’hlemmoù. Ur wiki bihan eo ar wiki brezhonek, n’eus ket a skipailh a rafe en-dro d’an afer-mañ. Din e rankomp ober gant Commons ha netra all. Abaoe mizvezhioù emaon o tiverkañ ar restroù lec’hel, lakaat a ran restroù eus Commons en o lec’h pa gavan anezho.

Setu amañ ur skouer a ziskouez pegen luziet eo an traoù : mediaoù zo a c’hell bezañ merket evel « domani foran » peogwir n’int ket « divoutin » a-walc’h (aotreet eo logoioù zo da chom war Commons evit an abeg-mañ). Displeget eo er bajenn-mañ, ha n’eo nemet unan eus kalz pajennoù a ranker lenn a-raok kregiñ da c’hoari gant traoù eus ar seurt-se. Alvokad n’on ket, ha ne fell ket din deskiñ ar vicher.

@VIGNERON a oar an traoù-se mat, marteze e c’hellfe displegañ anezho gwelloc’h evidon. Huñvreüs (kaozeal) 15 Kzu 2024 da 14:16 (UTC)

Brezhonegour ya, ar 4 logo-mañ a c'hall moñt was Commons. A gln, VIGNERON (kaozeal) 15 Kzu 2024 da 14:46 (UTC)

Trugarez c'hwi ho taou evit ho respontoù, ha neuze @VIGNERON, pa gasan war Commons, goût a rit peseurt "license" on sañset lakaat peogwir n'eo ket unan "Commons" just a-walc'h ha ne vez ket asantet ar "fair use" war commons ? Brezhonegour (kaozeal) 15 Kzu 2024 da 15:44 (UTC)

Brezhonegour ret eo dibab "Cette photo ou vidéo n'est pas protégée par le droit d'auteur" hag en "Ajoutez le cas échéant une balise de domaine public spécifique." lakaat ar patromoù {{PD-simple}}{{trademark}}. A gln, VIGNERON (kaozeal) 15 Kzu 2024 da 15:51 (UTC)

Graet eo trugarez, spi 'm eus ne vo ket diverket bremañ ! Brezhonegour (kaozeal) 15 Kzu 2024 da 16:05 (UTC)

Rakgerioù ar sistem unanennoù etrebroadel

Emaon o adsevel ar pennad, ha kudennoù zo.

• Adenvel ar pennad : Rakgerioù an SI abalamour d'an adkas SI → Reizhiad unanennoù etrebroadel.
• Brezhonekaet eo bet skritur lod rakgerioù etrebroadel el listenn ; kinnig a ran doujañ d'ar stummoù ofisiel, e.g. deci, hecto, yotta, zetta... ha menegiñ ar skrivadurioù brezhonek pa 'z eus anezho (deki, kanti, hekto...).
• Diglok eo al listenn : 4 rakger zo bet ouzhpennet gant ar BIPM e 2019, daou anezho o vezañ quetta (10³⁰) ha quecto (10⁻³⁰) a ranker lezel en o stumm etrebroadel el listenn ofisiel ; pezh zo, n'emañ ket C ha Q el lizherenneg peurunvan. Me o lezfe evel m'emaint peogwir e oar an dud o lenn (gwelit C, Q, ha Listennad lavaredoù latin).
• Un tired a ranker skrivañ goude ur rakger : kilo-, mega-, hag all, neuze e vefe ret adenvel Yota → [Yotta-] a-douez reoù all.
• Ur patrom "Rakgerioù an SI" a savin evit kempenn an holl bennadoù a denn d'ar rakgerioù-se.

Ha mat eo ar c'hinnigoù-se d'ar gumuniezh ? — Ar choler (kaozeal) 15 Kzu 2024 da 14:39 (UTC)

Mat eo din dre vras.

• « Rakgerioù an SI »: a-du, rak SI eo ar berradur ofisiel etrebroadel.
• « Un tired a ranker skrivañ goude ur rakger : kilo-, mega-, hag all, neuze e vefe ret adenvel Yota → [Yotta-] a-douez reoù all. » — pezh a vefe mat din er Wikeriadur, hervez a welan ne vez ket graet e Wikipedia er yezhoù all war-bouez an hini saoznek.

Huñvreüs (kaozeal) 16 Kzu 2024 da 08:27 (UTC)

Trugarez dit ! — Ar choler (kaozeal) 16 Kzu 2024 da 08:55 (UTC)

---

Kaozeadeg eus an 3de sizhunvezh diwezhañ (sizhun 51, bloaz 2024)

16/12/2024 — 22/12/2024

Skrivañ un dra bennak en unanvet sizhun ha hanter-kant eus 2024 | An davarn | sizhun a-raok — sizhun war-lerc'h

« diorrenet »

Hervez a gredan gouzout e skriver diorroet, met ne fell ket din kemmañ ma n’eo ket ret. Neuze, mat eo skrivañ « diorrenet » pe get ? Huñvreüs (kaozeal) 19 Kzu 2024 da 16:00 (UTC)

Diorroet sur, diorreet a c'haller skrivañ ivez, met ne soñj ket din e vefe reizh "diorrenet". Fanchigo (kaozeal) 19 Kzu 2024 da 17:21 (UTC)

Diorren eo ar verb, diorro- eo e bennrann, diorroet eo an anv-gwan-verb ; gwelit Yezhadur bras ar brezhoneg F. Kervella §182 ha La grammaire bretonne pour tous E. Chalm p; C-46. — Ar choler (kaozeal) 19 Kzu 2024 da 17:32 (UTC)

Trugarez deoc’h. Huñvreüs (kaozeal) 19 Kzu 2024 da 18:08 (UTC)

Netra ! Ar choler (kaozeal) 19 Kzu 2024 da 19:18 (UTC)

Nedeleg ar skrivagnerien e Gwengamp disadorn

Emaon o paouez gwelout e vo aozet Nedeleg ar skrivagnerien e Gwengamp disadorn (21 a viz Kerzu). Ne c'hellin ket mont met ma tremen unan bennak eno, mar plij, grit luc'hskeudennoù: evit lod eus ar skrivagnerien, ma n'eo ket an holl, n'eus skeudenn ebet, pe unan kozh pe/ha fall. Huñvreüs (kaozeal) 20 Kzu 2024 da 21:24 (UTC)

---

Kaozeadeg eus an eil sizhunvezh diwezhañ (sizhun 52, bloaz 2024)

23/12/2024 — 29/12/2024

Skrivañ un dra bennak en eil sizhun ha hanter-kant eus 2024 | An davarn | sizhun a-raok — sizhun war-lerc'h

Statud bot evit Strebot

Fellout a ra din ober gant benvegoù emgefreek pe damemgefreek, evel da skouer JWB ha Pywikibot, setu perak em eus krouet ar gont Strebot (k・d). Gallout a rafen lakaat ur ger e lec’h ur ger all (n’eus ket pell zo eo bet graet evit levrlennadur/ezh), kemmañ anv ur rummad e pennadoù pa vez adanvet ur rummad, tennañ gerioù dizereat, lakaat ul liamm diavaez nevez e lec’h unan dispredet, hag all. Gallout a reer implijout ar benveg-mañ gant ur gont nann-bot, met gwelloc’h eo ober gant ur gont bot. Neuze e c’houlennan an aotre da reiñ ar statud bot dezhi. Chom a raio digor ar votadeg evit sizhunvezh. Gallout a rit ober gant , , .

English (for stewards) — this is to request the bot status for my bot account, Strebot. The vote is open for one week. Huñvreüs (kaozeal) 25 Kzu 2024 da 17:37 (UTC)

• evel-just (implijet e vez JWB a-wechoù ganin, laouen on ma vo ur bot evit ober traoù evel-se, efedusoc'h e vo). A galon, VIGNERON (kaozeal) 26 Kzu 2024 da 09:43 (UTC)
• A-du gant kement-tra a c'hall aesaat ar vuhez er bedig-pato-mañ. — Ar choler (kaozeal) 26 Kzu 2024 da 10:28 (UTC)
• mat eo din. --Llydawr (kaozeal) 5 Gen 2025 da 15:11 (UTC)

Goulennet am eus ouzh ar stewarded reiñ ar statud neuze. Trugarez deoc’h! Huñvreüs (kaozeal) 5 Gen 2025 da 15:15 (UTC)

Fazioù stankañ > davet

Er bajenn Wikipedia:Fazioù stankañ e lennan: Ne vez implijet an araogenn davet nemet e-keñver tud. E troidigezhioù brezhonek Mediawiki e reer gant « davet » (adkas davet, liamm davet, dilec’hiañ davet…). Ha gwelloc’h e vefe ober gant « war-du » (pe « war-zu » 🤔), pe un dra bennak all? Huñvreüs (kaozeal) 26 Kzu 2024 da 10:15 (UTC)

Gwir eo ne vez implijet davet nemet pa gomzer eus tud (gw. Geriadur brezhoneg An Here, a-douez mammennoù all). Reishoc'h eo war-du pe da pa gomzer eus traoù ha lec'hioù : "adkas da", "liamm war-du", "dilec'hiañ da". Ar choler (kaozeal) 26 Kzu 2024 da 10:24 (UTC)

Skubañ leur an esaouenn anv Wikipedia

• kinnig a ran lakaat un destenn erbediñ mont d’an davarn e lec’h ar pajennoù dizimplij-mañ: Wikipedia:Implijerien prest da sikour, Wikipedia:Wikibomperien, Wikipedia:Fazioù da venegiñ.
• dizimplij eo an deizlevr abaoe 2006 (!), war-bouez an daolenn stadegoù. Gallout a rafe ar peurrest bezañ diellet.
• dizimplij eo ar pajennoù evit sevel goulennoù ouzh ar verourien (kendeuziñ, gwareziñ, diwareziñ…), war-bouez Wikipedia:Pajennoù da nullañ. Gallout a rafemp derc’hel ar bajenn-mañ (da adenvel Pajennoù da ziverkañ?) hag ur bajenn all evit an holl goulennoù all.
• Wikipedia:Kannadig ar berzhidi nevez ha Wikipedia:Kannadig ar Wikipedourien nevez: da ziverkañ (?)
• Wikipedia:Kannadig ar verourien: da zerc’hel moarvat, rak spi am eus e teuio merourien all 🤞

Alioù mar plij? Huñvreüs (kaozeal) 26 Kzu 2024 da 17:15 (UTC)

1. OK evidon.
2. OK evidon ; ur bajenn Pennadoù brezhonek e Wikipedia a c'hellfed sevel diwar Patrom:Pegement a bennadoù brezhonek e Wikipedia.
3. OK evidon.
4. Da ziverkañ, da 'm soñj ; sevel goulennoù en davarn a c'heller ober bepred.
5. Merourien oberiant moarvat ; 4 zo ez-ofisiel, 1 hepken o seveniñ ar gefridi.

Gourc'hemennoù dit evit da efedusted ! — Ar choler (kaozeal) 27 Kzu 2024 da 13:33 (UTC)

---

Kaozeadeg eus ar sizhunvezh diwezhañ (sizhun 01, bloaz 2025)

20/12/2024 — 05/01/2025

Skrivañ un dra bennak er c'hentañ sizhun eus 2025 | An davarn | sizhun a-raok — sizhun war-lerc'h

---

Kaozeadeg eus ar sizhunvezh (sizhun 02, bloaz 2025)

06/01/2025 — 12/01/2025

Skrivañ un dra bennak en eil sizhun eus 2025 | An davarn | sizhun a-raok — sizhun war-lerc'h

Wikipedia kembraek

Evit ar re zo gouest da lenn kembraeg, setu ur pennad diwar-benn Wikipedia e kembraeg, tennet eus lec'hienn BBC Kembre. Anv a reer e-barzh eus ar vandaled ("eus Spagn ha Bro-Saoz") a glask cheñch ar pennadoù kembraek. Lavaret a reer ivez e ranker kaout muioc'h a genlabourerien o kemer perzh e Wikipedia e kembraeg evit gallout stourm ouzh kement-se ha mont war-raok. --Llydawr (kaozeal) 7 Gen 2025 da 17:45 (UTC)

Dedennus, trugarez. Lennet am eus anezhañ dre Google Translate, war a seblant ez a en-dro mat. Huñvreüs (kaozeal) 7 Gen 2025 da 17:52 (UTC)

Levrlennadur/ezh

Sachañ a ran hoc’h evezh war Kaozeal:Levrlennadurezh#Kemm_bet_graet_a-enep_da_reolennoù_mont_en-dro_ar_wiki_ha_hep_kenasant, m’ho peus c’hoant reiñ hoc’h ali. Huñvreüs (kaozeal) 8 Gen 2025 da 08:48 (UTC)

---

Freskaat ar bajennad • Krec'h • ha traoñ ar bajenn
Taolenn • Ar sizhun war-red (6) • Ar sizhun diwezhañ (5) • Ar sizhunioù all (4) (3) (2) (1)