Anv-stroll
Un anv-stroll[1],[2],[3] (collective noun e saozneg) zo un doare da verkañ liester an anv-kadarn. E brezhoneg eo un anv lies hag a saver e unander o stagañ an dibenn -enn outañ. Doareoù all zo e yezhoù all.
En alamaneg kemmañ
En alamaneg e reer gant ar rakger ge- da sevel anvioù-stroll, a vez nepreizh alies, evel :
- das Gebirge, "menezioù" < der Berg, "ar menez"
- das Gepäck, "ar pakadoù" < der Pack, "ar pakad"
- das Geflügel, "an evned"
- das Gefieder, "pluñv" < die Feder, "ar bluenn"
E brezhoneg kemmañ
E brezhoneg ez eus kalzik a anvioù-stroll. Alies e tennont :
- da draoù a vez kavet a-stroll dre vras, pe stank a-walc'h : blev, ed, geot, glaou, glaour, greun, gwer, kerc'h, kler, klimich, krampouezh, koumoul, luc'hed, stered (en unander : ur vlevenn, ... , ur c'heotenn, ur c'hlaouenn, ur werenn ... ur grampouezhenn… ul luc'hedenn, ur steredenn)
- d'ar gwez : bezv, derv, onn, skav, taouz,... (en unander ur wezenn, un dervenn, un onnenn, un daouzenn …)
- d'ar frouezh : bananez, flamboez, kerez, kistin, mez, mouar, per, prun, sivi, orañjez, bananez, ...
- d'ar plant : drez, iliav, ...) ha bleunioù (lili, melion, roz, ...
- d'an amprevaned : c'hwen, gwenan, gwesped, kelien, kevnid, laou, merien, sardon, ...)
- d'al loened-mor bihan, d'ar c'hregin : brennig, chevr, istr, kokouz, meskl ... (en unander : ur vrennigenn …
- da loened bihan all : buzhug, melc'hwed, ...
Er yezhoù keltiek all kemmañ
Er yezhoù keltiek all ivez e kaver anvioù-stroll, hag a denn da draoù a vez kavet a-stroll dre vras :
Notennoù kemmañ
- ↑ Yezhadur bras ar brezhoneg, pajenn 215;
- ↑ Geriadur brezhoneg An Here, pajenn 57.
- ↑ Geriadur Ménard, pajenn 271.