Benelli Armi

Benelli, anvet en ur mod ofisiel Benelli Armi S.p.A., zo un embregerezh armoù-tan hiniennel italian diazezet e Urbino (rannvro ar Marche). Savet e oa bet e 1967 gant ar vreudeur Benelli, evel ur rann eus an embregerezh marc'hoù-tan Benelli. Brudet eo evit e fuzuilhoù damaotomatek dreist-holl.

Istor

Ar vreudeur Benelli, perc'henned war un embregerezh marc'hoù-tan dija, a oa chaseourien anezhe. E 1967 e tivizjont sevel o embregerezh armoù-chaseal^[1]. Er memes bloaz e voe savet gant Bruno Civolani, un ijinour eus Bologna hag a laboure evite, ur sistem dre argil evit an armoù damaotomatek^[2]. E 1968 e voe savet uzin an embregerezh nevez, ha produet e voe enni 2.000 fuzuilh damaotomatek kalibr 12, 4 pe 5 tenn enne. Er bloavezhioù war-lerc'h e roas lañs da rummadoù fuzuilhoù-chase a reas berzh, evel ar Benelli 121, ar Montefeltro pe ar Raffaello. Kreskiñ a reas an embregerezh. E 1997 e tigoras ur rann er Stadoù-Unanet, hag er bloaz war-lerc'h e voe choazet ar fuzuilh Benelli M4 evel arm emgannoù a-dost gant an US Marine Corps^[3], ar pezh a lakaas ar merk da vezañ anavezet er bed a-bezh, er-maez eus bed ar chase. E 2007 e embannas an embregerezh bezañ gwerzhet daou vilion a armoù abaoe he c'hrouidigezh^[1].

Abaoe 2019 e vez arc'hantaouet ur skipailh sportoù tennañ anvet Be Team gant Benelli^[3]. Perzh eo an embregerezh eus ar strollad Beretta Holding.

Armoù produet

Fuzuilhoù flour o c'hanol

Ur Benelli M4 implijet en ur stand tennañ

Fuzuilhoù damaotomatek

121, 121 SL-80, 121-M1 (kalibroù 12 hag 20)
M1 Super 90 (kalibroù 12 hag 20)
M2 Super 90 (kalibroù 12 hag 20)
M3 Super 90 (kalibr 12, meskaj damaotomatek ha fuzuilh-pomp)
M4 Super 90 (kalibr 12)
Raffaello (kalibr 12)
Raffaello CrioComfort (kalibroù 12 hag 20)
Raffaello Crio 28 (kalibr 28)
Vinci (kalibr 12)
Super Vinci (kalibr 12)
Benelli Montefeltro (kalibroù 12 hag 20)
Super Black Eagle I (kalibr 12)
Super Black Eagle II (kalibr 12)
Super Black Eagle III (kalibroù 12 hag 20)
SuperSport
Ethos (kalibroù 12, 20 hag 28)

Ur fuzuilh-chase Benelli Ethos er c'halibr 12 ganti ur c'hanol 28 meutad

Fuzuilhoù dreistlakaet

828U (kalibr 12)
- 828U Sport (kalibr 12)
- 828U Upland Performance (kalibr 12)

Fuzuilhoù-pomp

Nova (kalibroù 12 hag 20)
- Nova tactical
- Nova field
Supernova (kalibr 12)
- Supernova tactical

Fuzuilhoù rizennet o c'hanolioù

Benelli Argo
Benelli MR1 (kambret e 5,56 × 45 mm NATO)
Benelli R1
Benelli Lupo

Pistolennoù match

Daveennoù

↑ ^1,0 ha^1,1 (en) Benelli History war lec'hienn velgiat an embregerezh (lennet d'an 22/10/2024)
↑ (en) SUCIU Peter, Explained: Why Benelli Shotguns Are Among the Best in the World, The National Interest, 30/07/2020 (lennet d'an 22/10/2024)
↑ ^3,0 ha^3,1 (fr) L'histoire de Benelli war lec'hienn italian an embregerezh (lennet d'an 22/10/2024)

Stag eo ar bajenn-mañ ouzh Porched an Armoù-tan

[:0-1] 1,0 ha^1,1 (en) Benelli History war lec'hienn velgiat an embregerezh (lennet d'an 22/10/2024)

[2] (en) SUCIU Peter, Explained: Why Benelli Shotguns Are Among the Best in the World, The National Interest, 30/07/2020 (lennet d'an 22/10/2024)

[:1-3] 3,0 ha^3,1 (fr) L'histoire de Benelli war lec'hienn italian an embregerezh (lennet d'an 22/10/2024)

[1]

[2]

[3]