Condottiero

micher, karg
Iskevrennad eus	penn brezel, Soldiers of fortune
Organization directed by the office or position	compagnia di ventura
Stumm gourel an dikedenn	condotiero, كوندوتييرو, capitano di ventura, kondotjer

Condottiero (condottieri el liester) eo an anv a veze graet er Grennamzer en italianeg eus ur brezelour a werzhe e ampartiz da vrezeliañ dre ur gevrat a veze anvet condotta.

Soudarded dilabour e oa ar gondottieri, pe noblañsed o klask brud er brezel, ha klask a raent labour e servij Stadoù bihan pe kgodedoù ha n'o doa gwir arme ebet d'o difenn. Paeet e vezent gant arc'hant, pe gant douaroù a-wechoù.

Hervez o lizher-labour (pe condotta) e rankent pourchas soudarded, dafar brezel hag ofiserien. Gwir varc'hadourien brezel e oant ouzhpenn brezelourien a vicher. A-wechoù e teuent da vout ken kreñv ma kemerent ar galloud er c'hêrioù a servijent.

War-dro 1550 ez eas ar vicher da goll. An anv italianek a chomas evit envel kabitened a vrezelie en armeoù estren.

Condottieri brudet

Sigismondo Malatesta, kont Rimini, livet gant Piero della Francesca

Condottiero eus ar XVII^vet kantved, livet gant Artemisia Gentileschi

Malatesta da Verucchio (1212-1312), diazezer al lignez Malatesta, mestr Rimini en 1295.
Ruggiero da Flor (~1268-1305).
Castruccio Castracani (1281-1328).
Walter VI de Brienne (~1304-1356).
Cangrande della Scala (1291-1329).
Fra Moriale (1303-1354).
Guidoriccio da Fogliano, marvet e 1352, a voe kabiten en arme Republik Siena, a voe trec'h war Montemassi e 1328, trec'h a voe livet gant Simone Martini en ur murlivadur er Palazzo Pubblico e Sienna.
Luchino dal Verme (~1320-1372).
Sir John Hawkwood (Giovanni Acuto, ~1320-1394).
Alberico da Barbiano (1344-1409), a aozas Kompagnunezh Sant-Jord a-benn stourm ouzh ar C'hallaoued ; Donatello en deus savet un delwenn war varc'h anezhañ e Padova.
Jacopo dal Verme (1350-1409).
Giovanni Ordelaffi (1355-1399).
Angelo della Pergola (~1375-1428).
Biordo Michelotti (1380-1398, mestr Perugia, a voe muntret war urzh Francesco Guidalotti, abad San Pietro.
Othon IV de Brunswick-Grubenhagen, marvet e 1399.
Facino Cane de Casale (~1360-1412).
Andrea Fortebracci, anavet evel Braccio da Montone (1368-1384).
Muzio Attendolo, anavet evel Sforza (1369-1424).
Giovanni Vitelleschi (marvet e 1440).
Erasmo da Narni, anavet evel Gattamelata (1370-1443).
Micheletto Attendolo (1370-1463).
Niccolò Piccinino (1380-1444).
Francesco Bussone da Carmagnola (1390-1432).
Scaramuccia da Forlì, (Scaramouche de Forlì e galleg, marvet e 1450).
Bartolomeo Colleoni (1400-1475).
Francesco Sforza (1401-1466).
Nicola di Monforte (1415-1478), anavezet ivez evel Nicolas de Montfort ha kont Campobasso.
Sigismondo Malatesta (1417-1468).
Federico III da Montefeltro (1422-1482).
Gian Giacomo Trivulzio (~1441-1518).
Prospero Colonna (1452-1523), condottiero e servij Stadoù ar Pab hag an Impalaeriezh Santel Roman German e-pad brezelioù Italia.
Gonzalo Fernández de Córdoba (1453-1515).
Bartolomeo d'Alviano (1455-1515).
Andrea Doria (1466-1560) a servijas a bep eil, hervez ar gopr, daou bab : Inosant VIII ha Klemañs VII, ha daou roue : Ferdinando Iañ Naplez ha Frañsez Iañ Bro-C'hall ; tud all a servijas ivez.
Francesco di Mantova, pe Francesco II Gonzaga (1466-1519), Markiz Mantova.
Georg von Frundsberg (1473-1528), jeneral alaman, a gemeras perzh en Emgann Pavia (1525)‎ hag e Preizhadeg Roma (1527)
Cesare Borgia (1475-1507), mab d'ar pab Alesant VI.
Niccolò di Pitigliano (marvet e 1510).
Giovanni dalle Bande Nere (1498-1526).
Ferrante Gonzaga (1507-1557) anavet ivez evel Ferrante Guastalla.
Marcantonio Colonna (1535-1584).
Albrecht von Wallenstein (1583-1634.
Alessandro dal Borro (1600-1656)