Cosimo il Vecchio
Cosimo de' Medici (pe Cosimo il Vecchio) a oa ganet d'ar 27 a viz Gwengolo 1389 e Firenze, ha marvet e Careggi d'ar 1añ a viz Eost 1464, a oa un arc'hanter (pe banker) ha politikour. Eñ an hini a savas an tiegezh Medici, a voe o ren e Firenze a-hed ar peurvuiañ eus an Azginivelezh italian. « Pater Patriae » (Tad ar vro) a vez graet anezhañ ivez.
| Reizh pe jener | paotr  |
|---|---|
| Bro ar geodedouriezh | Firenze |
| Anv e yezh-vamm an den | Cosimo di Giovanni de' Medici |
| Anv-bihan | Cosimo |
| Anv-familh | Medici |
| Anv | Cosimo de’ Medici |
| Deiziad ganedigezh | 27 Gwe 1389, 1389 |
| Lec'h ganedigezh | Firenze |
| Deiziad ar marv | 1 Eos 1464, 1464 |
| Lec'h ar marv | Villa medicea di Careggi |
| Lec'h douaridigezh | Basilica of San Lorenzo |
| Tad | Giovanni di Bicci de' Medici |
| Mamm | Piccarda Bueri |
| Breur pe c'hoar | Lorenzo il Vecchio |
| Pried | Contessina de' Bardi |
| Bugel | Piero di Cosimo de' Medici, Giovanni di Cosimo de' Medici, Carlo di Cosimo de' Medici |
| Kar | Alessandro de' Bardi |
| Familh | Tiegezh Medici |
| Yezhoù komzet pe skrivet | italianeg |
| Micher | politiker, diplomat, banker |
| Karg | kannadour |
| Bet studier da | Gemistus Pletho, Roberto de' Rossi |
| Lec'h annez | Palazzo Medici Riccardi |
| Lec'h labour | Firenze |
| Perc'henn war | Palazzo Medici Riccardi |
| Deskrivet dre | Adorazione dei Magi, Cosimo de' Medici portrait by Pontormo |
E vuhez kemmañ
Mab e oa da Giovanni di Bicci de' Medici ha da Piccarda Bueri, ha breur e oa da Lorenzo il Vecchio. Savet ha desket e voe gant Niccolò di Pietro ha Roberto de' Rossi. Yaouankik e krogas da labourat er Banco Medici a drugarez d'e dad, hag eno e teskas ar vicher arc'hantour.
Goude marv e dad en 1429 e savas a-enep d'an oligarkiezh o ren neuze e Firenze, ma edo ar galloud gant an Tiegezh Albizzi.
Kreskiñ a reas pouez Cosimo pa voe harzet en 1433, war urzh Rinaldo Albizzi. Bac'het e voe er Palazzo Vecchio ha harluet e-pad dek vloaz. Mont a reas da chom da Venezia, hep troc'hañ an darempredoù gant e harperien e Firenze .
Buhez tiegezh kemmañ
,_Contessina_de%27_Bardi.jpg)
War-dro 1414 e timezas da Contessina de' Bardi, a oa merc'h da Giovanni Conte di Vernio ha da Emilia Pannocchieschi dei Conti di Elci, ha daou vugel o doe:
- Piero il Gottoso (1416-1469), aotrou Firenze, tad da Lorenzo il Magnifico
- Giovanni di Cosimo de' Medici (1421-1453), marvet divugel.
Ur mab bastard en doe ivez, Carlo (1428/1430 war-dro 1492), digant ur sklavez tcherkes anvet Maddalena. Un den a iliz e voe hennezh, hag a yeas da gardinal.
Komzoù kemmañ
« Gourc'hemennet ez eus deomp pardoniñ d'hon enebourien, met n'eus ket bet skrivet neblec'h e rankomp pardoniñ d'hor mignoned ». (Cosimo de Medici)(Daveoù a vank)