Denise Guieysse

Denise Denisette Guiysse, ganet e 1907 e Vire (Calvados) hag aet da Anaon e Sant-Nazer e 1997, a oa ur vroadelourez vreizhat. Merc'h e oa da Marsel Guieysse (Kaodan, 1881 – Vitry-sur-Seine, 1967) ha Marie Anglas (1878-1976).

Denise Guieysse

den

Reizh pe jener	plac'h
Bro ar geodedouriezh	Frañs
Anv-bihan	Denise
Anv-familh	Guieysse
Deiziad ganedigezh	1907
Lec'h ganedigezh	Vire
Deiziad ar marv	1997
Lec'h ar marv	Sant-Nazer
Yezhoù komzet pe skrivet	galleg
Micher	politiker
Strollad politikel	Strollad Broadel Breizh (1931-1944)
Diellaouet gant	Kreizenn an Enklaskoù Breizhek ha Keltiek

He buhez

Yaouankiz

E 1907 e voe ganet. Dimezet ez eo bet gant Ange Alain Luec (1922-1987). Anavezet ez eo dreist-holl evit bezañ bet un harp leal d'he zad, a oa ur brodelour breizhat evelti.

Stourm evit frankiz Breizh

Adal ar bloavezhioù 1920 e oa o vont etrezek an Emsav hag ar stourm evit frankiz Breizh. Reiñ a rae he holl nerzh da harpañ he zad er stourm. Ezel e voe e Strollad Emrenerien Vreiz (Parti autonomiste breton)

E-pad an Eil Brezel-bed e voe sekretourez Strollad Broadel Breizh evit Bro-Gwened.

He zro-spered

Hervez Yann Fouéré el levr La Patrie interdite :

Denise était un vrai soldat. Elle en avait l'allure un peu lourde. Elle semblait porter une sorte d'armure. Son ardeur bretonne n'avait d'égale que sa discrétion. Elle ne parlait guère et son visage ne laissait rien deviner. Sa capacité à garder des secrets, son dévouement, à l'époque où les persécutions policières commençaient à se faire plus lourdes sur les militants autonomistes, avaient fait d'elle à Paris la personne de confiance des dirigeants de Breiz Atao : elle rendit aussi de grands services, de nature différente, à Célestin Lainé, l'un des animateurs à l'époque de Gwenn-ha-du, et à François Debauvais qui était alors avec Olier Mordrel la figure de proue du nationalisme breton... — Yann Fouéré, La patrie interdite

« Ur gwir soudard e oa Denise. An tres pounnerik anezhañ a oa ganti. Kredet e veze e oa o tougen un doare houarnwisk. Hec'h evezhiegezh hepkan a oa par d'he birvidigezh vreizhat. Ne gomze ket kalz ha he dremm ne ranne ket muioc'h. He ampartiz da zerc'hel sekredoù, hec'h emroüsted, d'ar mare ma kroge heskinerezh an archerien da bouezañ kreñvoc'h war ar stourmerien emrenerien, o doe he lakaet da vezañ den a fiziañs pennoù Breiz Atao e Pariz : mil vad a reas, e meur a zoare, da Célestin Lainé, a oa d'ar mare-se unan eus luskerien Gwenn-ha-du, ha da François Debauvais hag a oa da neuze gant Mordrel unan eus penntudennoù ar vroadelouriezh vreizhat... ».

Tro-dro dezhi

• En he zi, e Vitry-sur-Seine (Val-de-Marne a-vremañ, Bro-C'hall), e varvas he zad Marsel Guieysse er bloavezh 1967 d'an oad a 86 vloaz.
• War lec'hienn Skol-Uhel ar Vro ez eo bet lakaet e listenn maouezed a Vreizh