Elesbed II
Elesbed II (Elizabeth Alexandra Mary ent-ofisiel ; Mayfair, Londrez, 2 a viz Ebrel 1926 – Kastell Balmoral, Aberdeenshire, 8 a viz Gwengolo 2022) zo bet rouanez Rouantelezh-Unanet Breizh-Veur ha Hanternoz Iwerzhon eus 1952 da 2022.
Rouanez meur a wechAozañ
Rouanez Kanada, Aostralia, Zeland-Nevez, Jamaika, Barbados, ar Bahamas, Grenada, Papoua Ginea-Nevez, Inizi Salomon, Tuvalu, Saint Lucia, Sant-Visant hag ar Grenadinez, Belize, Antigua ha Barbuda, Saint Kitts ha Nevis ivez eo Elesbed II, hag e pep hini eus ar broioù-se ez eus dileuriet ur Gouarnour-Jeneral.
Ur ren hirAozañ
D’an 9 a viz Gwengolo 2015 eo deuet da vezañ ar rieg saoz an hirañ e ren, en tu-hont eta da hini ar rouanez Victoria, a oa chomet 63 bloaz, 7 miz ha 2 zeiz war an tron. Pa varvas Elesbed e oa chomet 70 bloaz, 7 miz ha 2 zeiz war an tron. E-touesk an holl roueed hag ar rouanezed en istor eo Loeiz XIV an hini nemetañ gant ur ren hiroc’h: 72 deiz, 3 miz hag 18 deiz.
E yezhoù allAozañ
Isabel eo hec'h anv e spagnoleg, portugaleg, ha galizeg.
FamilhAozañ
PriedAozañ
- Philip Mountbatten, Dug Dinedin, ganet e 1921, dimezet e 1947.
BugaleAozañ
- Charles, Priñs Kembre (ganet e 1948)
- Anne, Priñsez Real (ganet e 1950)
- Andrew, Dug York (ganet e 1960)
- Edward, Kont Wessex (ganet e 1964)