Germana de Foix

den
Reizh pe jener	plac'h
Bro ar geodedouriezh	Frañs, Rouantelezh Aragon
Anv ganedigezh	Germaine de Foix
Anv-bihan	Germaine
Deiziad ganedigezh	1488
Lec'h ganedigezh	Mazères
Deiziad ar marv	15 Her 1536
Lec'h ar marv	Marines, Valencia
Doare mervel	abeg naturel
Abeg ar marv	apoplexy
Lec'h douaridigezh	Monestir de Sant Miquel dels Reis
Tad	John of Foix, Viscount of Narbonne
Mamm	Marie d'Orléans
Breur pe c'hoar	Gaston of Foix, Duke of Nemours
Pried	Fernando II Aragon, Johann of Brandenburg-Ansbach, Ferdinand, Duke of Calabria
Bugel	John of Aragon, Prince of Girona, Isabel of Castile
Familh	House of Foix
Yezhoù komzet pe skrivet	galleg, okitaneg, spagnoleg, latin
Micher	brientin
Karg	Lieutenant General of the Kingdom of Aragon, Viceroy of Valencia, royal Consort of Aragon
Relijion	Katoligiezh
Brezel	Revolt of the Brotherhoods

Germaine de Foix (e galleg), pe Germana de Foix e katalaneg ha spagnoleg (Foix, 1488 - Liria (Valencia), 1538) a oa eil pried Fernando II Aragon ha rouanez Aragon.

He buhez

Merc'h e oa da Jean de Foix (kont Étampes ha beskont Narbonne) ha da Marie d'Orléans (1457-1493), c'hoar d'ar roue gall Loeiz XII.

Eured

E miz Here 1505, da 18 vloaz, e voe dimezet da Fernando II Aragon, a oa 53 bloaz, intañv Izabel Iañ Kastilha abaoe nebeutoc'h eget bloaz, Roue Aragon hag ivez Kastilha abaoe marv Izabel.
Aotre da zimeziñ a voe roet gant Loeiz II Amboise, eskob Albi, lidet e voe an eured e kastell Blois hervez an diferadurioù a beoc'h sinet entre Loeiz XII ha Fernando II Aragon e feur-emglev Bleaz e 1505.

Leuskel a reas ar roue gall e wirioù war Rouantelezh Naplez gant he nizez ha reiñ dezhi an titl a Rouanez Jeruzalem, nemet distreiñ da Vro-C'hall a ranke ar gwirioù-se ober ma ne oa ket a vugale. En eskemm e ouestle Roue Aragon ha Kastilha envel da bennhêr ar mab a c'halle an daou bried kaout. Kement-se a lakaas uhelidi Kastilha da gonnariñ, rak neuze n'hallje ket Fulup Iañ Kastilha hag e bried Janed Kastilha ren war Kurunenn Aragon.

Ur mab o doe Fernando ha Germaine, Juan, ganet d'an 3 a viz Mae 1509, pezh a dalveze e vije rannet an div rouantelezh, Kastilha hag Aragon, met mervel a reas un nebeud eurvezhioù goude bout ganet.

Rouanez Aragon

Mervel a reas Fernando e miz Genver 1516. Fall e oa e yec'hed abaoe daou vloaz, marteze diwar re a louzoù kemeret da gaout bugale gant Germaine. Leuskel a reas ganti madoù a-walc'h : ouzhpenn 50 000 florin ar bloaz, hag ar rouantelezh keit ha ma ne zimezje ket. Ha hi davont da chom da Gastilha.

En e lizher diwezhañ d'e vab-bihan Carlos, e c'houlennas Fernando digantañ ober war-dro e intañvez hag ober diouzh e destamant. E 1517 e tegouezhas Carlos e Spagn. Ne oa nemet 17 vloaz, ha Germana de Foix a oa 29 vloaz, plac'h didrouz ha karantezus, ha ne oa ket deuet c'hoazh da vezañ tev evel ur varikenn.

En em welout a rejont e Valladolid, ha hegarat e voe Carlos en he c'heñver. Aozet e voe tournamantoù ha banvezioù en enor dezhi. Karantez a savas etrezo, hag ur verc'h vastardez he doe Germaine gant ar roue yaouank : an Infantez Isabel de Castilla, meneget e testamant Germaine de Foix evel an «infanta Isabel» hag he zad evel «el emperador», goude ma ne voe ket anavezet gwech ebet, ha savet e voe ar plac'hig e lez Kastilha.

En 1519 ez eas Germana de Foix, gant Carlos Iañ hag e c'hoar Leonor, da Zaragoza ha Barcelona da lidañ ar c'h- Cortes ha bezañ anvet da roue ha da douiñ dirazo. Eno e voe divizet, evit kaeraat brud an danvez-impalaer yaouank, dimeziñ Germana de Foix da varkiz Brandenburg, unan eus heulierien personel de Carlos, hag evel-se e lakaas fin d'e garantezioù gant gwreg e dad-kozh. Carlos Iañ a anvas anezhi da vesrouanez ha da letanantez jeneral Valencia ha margrav Brandenburg da gabiten jeneral ar rouantelezh.

Dimezioù all

Teir gwech e timezas Germaine de Foix.

E miz Here 1505, da 18 vloaz, da Fernando II Aragon,
E 1519 ec'h addimezas da Johan von Brandenburg-Ansbach (1493 – Valencia, 1525), hogen bugel ebet n'o doe.
Da Fernando Aragon, dug Calabria.

He marv

Mervel a reas da 49 bloaz, e Liria.