Gwinieg-Breizh

Gwinieg-Breizh a zo ur gumun a Vreizh, e Liger-Atlantel, e gevred ar vro.

Gwinieg-Breizh

Park kastell La Bretonnière.

Anv gallaouek

Vinyoec

Anv gallek (ofisiel)

Vigneux-de-Bretagne

Melestradurezh

Kastell-Briant-Ankiniz

Kanton

Chapel-Erzh (abaoe 2015)
Sant-Stefan-Brengoloù (betek 2015)

Kod kumun

44217

Kod post

44360

Maer
Amzer gefridi

Gwënola Franco
2020-2026

Etrekumuniezh

Kumuniezh-kumunioù an Erzh hag ar Gevr

Bro velestradurel

hini ebet

Lec'hienn Web

(fr) vigneuxdebretagne.fr

Poblañsouriezh

Poblañs

6 328 ann. (2020)^[1]

Stankter

116 ann./km²

Douaroniezh

Daveennoù
lec'hiañ

47° 19′ 37″ Norzh
1° 44′ 14″ Kornôg / 47.3269444444, -1.73722222222

Uhelderioù

kreiz-kêr : 80 m
bihanañ 24 m — brasañ 92 m

Gorread

54,68 km²

Gwinieg-Breizh

Douaroniezh

Eieniñ a ra ar stêr Gevr e Gwinieg.

Anv

Erwan Vallerie (1995) : Vigno, 1038; Vigneu, 1287; Vignou, 1308; Vigneu, 1452, 1472, 1475; Vigneuf, 1477; Vigneu, 1731

Istor

Krennamzer

War-dro ar bloaz 840 e chomas Lambert, alouber Kontelezh Naoned, un nebeud deizioù e La Paquelais gant e vagadoù.
Ar Wenvidigez Françoise d'Amboise a chomas eno: ur groaz anvet "Kroaz ar Dugez Koant" a voe savet e koun anezhi e 1868 en antre ar bourk.
Un akta sinet da goulz an Eskob Benead Naoned (1079-1115) dindan renadur Alan Fergant, Dug Breizh, a roe dalc'h ar Veuzid-Gwinieg da Chabistr Sant-Pêr evit adprenañ eneoù an aotrounez.
Parrez Gwinieg a zo rannet etre pemp Breuriezh abaoe an XIII^vet kantved:
- Breuriezh ar Bourk ;
- Breuriezh Biliais Deniaud ;
- Breuriezh La Roche ;
- Breuriezh Le Buron ;
- Breuriezh La Jambinière.

XV^vet kantved

E 1489, e chomas an Dugez Anna Vreizh un nebeud sizhunioù e La Paquelais. He gward, Marichal Reoz, a zifenne outi mont tre e Naoned hag a glaske dimeziñ anezhi dre heg gant an Aotroù Albret. Da-geñver an degouezh-se e treuzas ar Pont Auduc savet e La Paquelais dreist ar Gevr e 1330. War a lavarer e lakaas houarnañ he c'hezeg war an tu-gin evit diheñchañ an dud kaset war he lec'h.

XVI^vet kantved

E 1581 e erruas ar c'hentañ person e Gwinieg (Jean Legrand).
E 1595 e voe brasaet iliz kentañ Gwinieg. E pad al labourioù-se e vo douaret delwenn war-varc'h Sant Martin e diazez ar savadur-se. Ne voe dizouaret nemet 260 vloaz goude.

XVII^vet kantved

E -pad tost ur c'hantved (eus dibenn ar XV^vet kantved betek torridigezh edit Naoned, d'ar 17 a viz Here 1685 e voe rannet ar gumuniezh relijiel gant ar brotestantiezh.

Dispac'h Gall

Krouet e voe kumun Gwinieg-Breizh e 1790 diwar ar barrez katolik. Lakaet e voe e Kanton an Templ hag e Bann Savenneg. E 1800 e voe lakaet en Arondisamant Naoned. E 1801 e voe lakaet e Kanton Sant-Stefan-Brengoloù pa voe diskaret Kanton an Templ^[2].
E-pad an Dispac'h Gall e voe kendalc'het an urzh er barrez gant Joseph François Rose Ollivier, beleg touer anezhañ. Met e 1793 e voe riñset ha gwerzhet iliz Gwinieg.
E 1800: d'ar c'houlz-se e voe savet ar pep brasañ eus an tiez war ar maez. Implijet e voe greunvaen tennet diouzh mengleuzioù niverus Gwinieg. Ar mengleuzioù-se a bourchasas kalzik a vein da aozañ karterioù Naoned ivez.

XIX^vet kantved

E 1850 e voe boulc'het labourioù iliz katolik La Paquelais.
E 1860 a voe distrujet iliz katolik Gwinieg savet e 1595, hag adsavet en hevelep lec'h. E-barzh ar furchadennoù da neuze e vo adkavet Delwenn Sant Varzhin, sant-paeron ar barrez : emañ bremañ an delwenn-se dindan porched an Iliz.

XX^vet kantved

Brezel-bed kentañ

Mervel a reas 206 gwaz ag ar gumun abalamour d'ar brezel, da lavaret eo 6,82% eus he foblañs e 1911^[3].

Eil brezel-bed

Mervel a reas c’hwec’h den eus ar gumun abalamour d'ar brezel hervez monumant ar re varv^[4].

Trevadennoù

Brezel Aljeria: mervel a reas ur milour eus ar gumun hervez monumant ar re varv^[5].

XXI^vet kantved

Lakaet e voe ar gumun e kanton Chapel-Erzh pa voe diskaret kanton Sant-Stefan-Brengoloù e 2014^[6].
Lakaet e voe ar gumun en arondisamant Kastell-Briant-Ankiniz en 2017^[7].

Monumantoù ha traoù heverk

Kastell La Bretonnière.

Kastell Le Bois-Rignoux.

Kastell Le Buron.
Monumant ar re varv er vered, luc’hskeudenn^[8]. Dioueliet e voe d’an 22 a viz Here 1922 ^[9].
Plakenn ar re varv (1914-1918) en iliz katolik, luc’hskeudenn^[10].
Iliz katolik an Drinded Santel, 1850, e La Paquelais.

Iliz katolik Sant Varzhin.

Iliz katolik Sant Varzhin, 1860-1876, er vourc'h^[11].

Emdroadur ar boblañs abaoe 1962

Niver a annezidi

Melestradurezh

Tud

Pierre le Moine des Ormeaux, selaouer ouzh Kambr ar C'hontoù Breizh e 1634
Jean Raisin de Bois-Morin, mestr ouzh Kambr ar C'hontoù Breizh e 1745; laket en enor e 1767.

Ardamezeg ar familhoù

	Cassard Aotrounez la Frusière	En argant e leon en sabel, leinet gant div valafenn ivez en sabel
	Le Moine Aotrounez Ormeaux / Ourmeaux	Treustellet etre aour ha sabel a eizh pezh
	Raisin Aotrounez Bois-Morin	En argant e gebrenn en glazur, heuliet ouzh kab gant div steredenn en gul, hag ouzh beg gant ur vlokad greunwin ivez en gul.

Liammoù diavaez

Commons

Muioc'h a restroù diwar-benn

Gwinieg-Breizh

a vo kavet e Wikimedia Commons.

(fr) vigneuxdebretagne.fr, lec'hienn ofisiel ar gumun.

Daveoù ha notennoù

[1] Roadennoù ofisiel e lec'hienn an EBSSA

[2] Cassini - EHESS - Fichenn kumun Gwinieg-Breizh

[3] (fr)Les soldats de Loire Inférieure - Monumant ar re varv

[4] (fr) Memorial Genweb

[5] (fr) Fichenn hiniennel - Memorial Genweb

[6] (fr)Décret n° 2014-243 du 25 février 2014 portant délimitation des cantons dans le département de la Loire-Atlantique

[7] (fr) Décret n°2016-1959 du 29 décembre 2016

[8] (fr)Memorial Genweb

[9] (fr)Université de Lille

[10] (fr)Memorial Genweb

[11] (fr)infobretagne

[1]

[2]

[3]

[4]

[5]

[6]

[7]

[8]

[9]

[10]

[11]