Hazebroek

Hazebroek
Panell degemer: "Hazebroek e Flandrez".
Anv izelvroek	Hazebroek
Anv gallek (ofisiel)	Hazebrouck
Melestradurezh
Stad	Frañs
Rannvro	Hauts-de-France
Departamant	Norzh
Arondisamant	Dukark
Kanton	Hazebroek (pennlec'h)
Kod kumun	59295
Kod post	59190
Maer Amzer gefridi	Bernard Debaecker 2014-2020
Etrekumuniezh	Communauté de communes de Flandre intérieure
Lec'hienn web	http://www.ville-hazebrouck.fr
Poblañsouriezh
Poblañs	21 464 ann. (2020)
Stankter	1 659 ann./km²
Douaroniezh
Daveennoù lec'hiañ	50°7′33″N 3°24′45″E
Uhelderioù	bihanañ 103 m — brasañ 138 m
Gorread	12,94 km²

Hazebroek en izelvroeg, Oazebroeke e flandrezeg kornôgel, anv ofisiel: Hazebrouck, a zo ur gumun hag ur gêrig eus Flandrez Frañs (departamant Norzh).

Gerdarzh

• Diwar an izelvroeg hag ar flandrezeg haas/haes "gad" ha broek "geun".

Istor

XX^vet kantved

Brezelioù:

• 
  Roll an dud nann soudard bet lazhet d'an 13 a viz Kerzu 1917.
• 
  An enskrivadenn latin hag an horolaj-heol.
• 
  Ul lodennig eus an distrujoù pa voe bombezet ar gêr d'an 19 a viz Meurzh 1918.
• 
  Monumant trec'h ar Brezel-bed kentañ.
• 
  Plakenn an tiegezh Verlyck.

• adalek Gwengolo 1917 betek Gwengolo 1918 e voe kanoliataet ha bombezet Hazebroek gant an Alamaned, seizh den nann-soudard a varvas en Hazebroek pa voe bombezet ar gêr d'an 13 a viz Kerzu 1917 ;
• roet e voe ar Groaz Brezel 1914-1918 d'ar gumun e 1919;
• 619 anv a weler ouzh Monumant ar re varv er vered, 459 den a varvas abalamour d'ar Brezel-bed kentañ, 219 en Eil Brezel-bed, pevar e Brezel Indez-Sina ha pevar e Brezel Aljeria;
• d'ar 27 a viz Mae 1940 ec'h erruas al lu alaman en Hazebroek;
• bombezet e voe ar gêr meur a wezh gant ar Re Gevredet abalamour d'he forzh-houarn e-pad an Eil Brezel-bed, ur yoc'h tud, ha kalz implijidi an hent-houarn en o mesk, a voe lazhet gant ur vombezadeg d'ar 4 a viz Gwengolo 1943;
• d'an 30 a viz Eost 1944 e voe fuzuilhet Émile Verlyck, e bevar mab ha daou baotr yaouank all gant an Alamaned;
• dieubet e voe Hazebroek gant ar 1añ Rannlu Poloniat d'ar 5 a viz Gwengolo 1944.

Monumantoù ha traoù heverk

• 
• 
• 
• 

• Tiez e kreiz-kêr.

• 
  Iliz Saint Éloi.
• 
  Iliz Santez Anna.
• 
  Ar gouent.

• Iliz katolik Saint-Éloi.
• Iliz katolik Santez Anna.
• Kouent an Aogustined.

• 
  Roland d'Hazebrouck.
• 
  Babe Tijse.
• 
  Zoon Tijse.
• 
  Toria.
• 
  Tijse Tajse.

• Ramzed.

Beredoù-brezel ar C'hommonwealth

Bered ar C'hommonwealth : Cinq Rues British Cemetery

Bro	Niver a soudarded
Alamagn	2
Rouantelezh-Unanet	225
Hollad	227

Ur vered ag ar Brezel bed kentañ eo. Implijet e voe ar vered da gentañ penn gant unanadoù stourm ha gant klañvdioù-brezel eus an 29vet Rannlu adalek miz Ebrel 1918 betek miz Eost evit douarañ ar vilourion bet marvet e-pad an argadenn alaman en nevez-hañv 1918. Treset e voe gant Noel Ackroyd Rew.

Bered ar C'hommonwealth : Hazebrouck Communal Cemetery

Bro	Niver a soudarded
Aostralia	50
Frañs	1
Indez	12
Kanada	59
Rouantelezh-Unanet	726
Zeland-Nevez	30
Hollad	878

Ur vered ag ar Brezel bed kentañ eo. Implijet e voe bered ar gumun gant meur a Casualty Clearing Station (ospitalioù-tachenn) , diazezet en Hazebroek adalek miz Here 1914 betek miz Gwengolo 1917. Dalc'het e voe d'ober gant bered ar gumun betek miz Gouere 1918. Abalamour d'ar fed ma voe kanoliataet ha bombezet Hazebroek adalek Gwengolo 1917 betek Gwengolo 1918 e voe tennet an ospitalioù-tachenn. E mizioù Gwengolo hag Here 1918 avat e voe staliet an No.9 British Red Cross Hospital er gêr. E penn-kentañ e voe douaret ar soudarded e mesk bezioù an dud nann soudard. Goude an arsav-brezel d'an 11 a viz Du 1918 e voent bodet holl e tachenn bezioù ar C'hommonwealth. Enni emañ bez ur soudard kanadian eus ar 1st Canadian Reserve Park (Canadian Army Service Corps) bet lakaet d'ar marv evit muntr e miz Eost 1916.

Bered ar C'hommonwealth : La Kreule Military Cemetery

Bro	Niver a soudarded
Afrika ar Su	41
Aostralia	78
Alamagn	12
Frañs	1
Kanada	2
Rouantelezh-Unanet	455
Hollad	589

Ur vered ag ar Brezel bed kentañ eo. Digoret e voe e miz Ebrel 1918 gant ar 1st and 2nd Australian Casualty Clearing Stations deut eus kêriadenn Outtersteene e Belle abalamour d'an araokadenn alaman, hag ar 17th, deut eus Lijssenthoek e Poperinge. An tri ospital-tachenn-mañ, dindan an anv-stroll "Ana Jana Siding", a voe staliet en norzh da La Kreule. E kreiz miz Ebrel e rankjont kilañ da Blendecques, e-kichen Saint-Omer. Adalak neuze e voe implijet ar vered gant unanadoù stourm ha gant unanadoù kanolierezh. E miz Here 1918 e teuas ar 17th Casualty Clearing Station da Hazebroek en-dro gant an 8th hag ar 64th. Serret e voe ar vered e dibenn miz Here. Enni emañ douaret ur soudard iwerzhonat eus ar 2nd Bn. Leinster Regiment bet lakaet d'ar marv e miz Eost 1918 evit bout dizertet. Treset e voe ar vered gant Sir Herbert Baker.

Dezougen

Hentoù-houarn

• 
  An ti-gar.
• 
  Ur stlejerez en Hazebroek.

• En Hazebroek e tispartie al linennoù hent-houarn Lille-Dukark, bet digoret e miz Gwengolo 1848, ha Lille-Calais, bet savet e 1861. Er bloaz-se e voe savet an ti-gar da vat. Hentoù-houarn arall a liamme Hazebroek ouzh Meregem, Poperinge hag Ieper.

Emdroadur ar boblañs 1793-2011

Melestradurezh

• 
  An ti-kêr.

Roll maered ar gumun
Mare		Anv	Strollad	Karg
2014	→ bremañ	Bernard Debaecker	tu-dehou, distrollad
2008	2014	Jean-Pierre Allossery	Strollad Sokialour Gall	Kefridiad tiriadel, Kuzulier departamant Kanton Hazebroek-Norzh
Even 1995	2008	Paul Blondel	tu-dehou, distrollad	Frammour bank war e leve, Kuzulier departamant Kanton Hazebroek-Su
Meurzh 1983	Even 1995	Maurice Sergheraert	tu-dehou, distrollad	Kuzulier departamant Kanton Hazebroek-Su
Meurzh 1971	Meurzh 1983	Amand Moriss	Strollad Sokialour Gall	Ensellour an tailhoù, Kuzulier departamant Kanton Hazebroek-Norzh
1953	Meurzh 1971	Henri Desbuquois	MRP	Greantelour
1945	1953	Auguste Damette	gaolour	Embregour, Kuzulier departamant Kanton Hazebroek-Norzh
1944	1944	Joseph Élie Plateel	SFIO	Implijad an hentoù-houarn
1944	1944	Jean Fruquet		Kelennour
1933	1944	Joseph Élie Plateel	SFIO	Implijad an hentoù-houarn
N'eo ket anavezet c'hoazh an holl fedoù.

Tud dibar

• Ar marc'h-houarnour Cédric Vasseur a zo bet ganet en Hazebroek d'an 18 a viz Eost 1970.