Digeriñ al lañser pennañ

James Abram Garfield, (19 a viz Du 1831 - 19 a viz Gwengolo 1881) a zo bet ugentvet prezidant Stadoù-Unanet Amerika. Dilennet e voe d'an 2 a viz Du 1880 evit ur respetad adal ar 4 a viz Meurzh 1881 met drouklazhet e voe un nebeud mizioù goude.

James A. Garfield
James Abram Garfield
Niv urzh 20vet Prezidant Stadoù-Unanet Amerika
Kefridi 4 a viz Meurzh 1881 - 19 a viz Gwengolo 1881
Deiziad ha
lec'h genel
19 a viz Du 1831

e Orange, Ohio

Deiziad ha
lec'h mervel
19 a viz Gwengolo 1881 (d'e 49 vloaz)

e Long Branch, New Jersey

Micher Kelenner
Strollad politikel Strollad Republikan
Besprezidant Chester A. Arthur

Roll ar vesprezidanted
Drouglazh ar prezidant Garfield, engravadur gant Berghaus hag Upham embannet en Illustrated Newspaper d'ar 16 a viz Gouere 1881.

BuhezAozañ

Ganet e voe James Garfield d'an 19 a viz Du 1831 en Orange, en Ohio. Goude e studioù eil-derez ez eas d'ar Williams College da Williamston, e stad Massachusetts, ma tiskouezas bezañ ur studier donezonet-kaer en holl ziskiblezhioù nemet e kimiezh. Tapout a reas e desteni-studi d'e 25 bloaz ha kregiñ gant ar vicher kelenner war al lizhiri klasel. Gallout a rae implijout e zorn kleiz kenkoulz hag e zorn dehou, ha war a lavarer e oa gouest da skrivañ latin gant an eil dorn ha gresianeg gant egile war un dro.

Aet skuizh gant ar vuhez skolveuriad e krogas gant studioù war ar gwir. Degemeret e voe er vreutaouriezh d'e 29 bloaz. Da neuze e oa bet dilennet da Sened e stad had un ezel gredus eus ar Strollad Republikan e oa. Frañmason e oa.[1]

N'eo ket war dachenn ar gwir hepken e oa donezonet, met ivez war dachenn ar matematik : gantañ e voe savet ur brouadenn eus teorem Pythagoras[2][3].

Notennoù ha daveoùAozañ