La Confession (danevell, Here 1883)
Ur pennad La Confession zo ivez.La Confession zo un danevell gant Guy de Maupassant, embannet en 1883. Div zanevell all zo anvet heñvel gant an oberour.
Istor kemmañ
- Da gentañ e oa bet embannet e Le Gaulois an 21 a viz Here 1883.
- Goude e voe adembannet en dastumad Contes du jour et de la nuit en 1885, ma oa ar c'hentañ danevell warn-ugent, ha diwezhañ, eus an dastumad.
An danevell kemmañ
O vervel emañ Marguerite de Thérelles, c'hwec'h-vloaz ha hanter-kant. He c'hoar henañ Suzanne, daou vloaz ha tri-ugent, zo e-tal he gwele. A-vepred emañ an div c'hoar o chom. Un danvez pried he doa Suzanne, Henry e anv, met mervel trumm a reas ar paotr a-raok an eured ha touet he devoa Marguerite d'he c'hoar henañ ne vijent ket dispartiet, goude ma vije ret chom dizimez evit se. Feal d'he ger e voe, met un dristidigezh a oa o krignat he spered, ha koshaet e oa buanoc'h eget he c'hoar.
A-raok leuskel he huanadenn diwezhañ ec'h anzav d'he c'hoar henañ he devoa lazhet Henry, dre warizi, pa oa daouzek vloaz.