Lukian

Lukian a zo un anv-badez brezhonek, danek, norvegek ha bulgarek. Dont a ra eus an anv latin lucianus hag a zeu eus ar ger lucius (gouloù).

Merzherinti Lukian Antiokeia

Lusian zo ur stumm all e brezhoneg, met n'eo ket un anv gwall stank e Breizh, ha gwelloc'h e kav ar vrezhonegerien ober gant Lukian war a hañval.

Lusiana ha Lusia zo stummoù brezhonek benel roet d'ar merc'hed.

Gerdarzh

Dont a ra eus an anv gregach Λουκιανός (Loukianos), a zo bet latinaet e Lucianus.

Yezhoù all

• Luciano en italianeg, spagnoleg ha portugaleg
• Lucian e saozneg hag alamaneg
• Lucien e galleg
• Luziano en euskareg
• Luci pe Lluci e katalaneg

Sent

Daou sant, reizhkredennour ha katolik, a zo anavezet :

• Sant Lukian merzheriet war un dro gant Sant Markian e Nikomedia er IV^e kantved
• ar gwenvidig Lukian Antiokeia, beleg en Antiokeia merzheriet e 312. Gouel 08-01
• Sant Lukian Beauvais, a vije bet eskob kentañ Beauvais en III^e kantved

Tud

Anavezet eo evel anv ar skrivagner hellazat Lukian Samosata (125-192).

Breizh

Alies e vez stumm brezhonekaet an anv-badez gallek Lucien. E-touez ar re o deus troet o raganvioù gant Lukian e vez kavet :

• Lukian Kergoat (g. e 1948), kelenner ha skrivagner brezhoneg,
• Lukian Tangi, skrivagner brezhoneg, sinet gantañ ul levrad danevelloù embannet gant Al Liamm,
• Lukian Raoul (1932-2009), kelaouenner ha skrivagner brezhoneg.

Gwelout ivez

• Lusia
• Lucia