Méabh (skrivadur iwerzhonek a-vremañ, distaget: [mʲeːv], skrivet Medb en heniwerzhoneg, Meḋḃ, Meaḋḃ e krenniwerzhoneg, a oa rouanez Connacht e Kelc'hiad Ulaidh, e gwengelouriezh Iwerzhon. Ailill mac Máta eo he fried, daoust ma oa bet hi e darempred gant meur a roue Connacht en e raok. Emañ o renañ war ar vro en he kreñvlec'h Cruachan e Kontelezh Ros Comáin. Un enebourez da gKonc'hobar mab Nessa roue Ulster eo rak un deiz e laeras tarv kreñvañ an Ulster hag a veze graet Donn Cúailnge anezhañ. An taol-se a zo deroù ar veurgan Táin Bó Cúailnge.

Ar rouanez Méabh skeudennet gant Joseph Christian Leyendecker.

Méabh a zo unan eus ar priñsezed-brezelourezed anatañ, ur verc'h kreñv he bolontez, c'hoantek ha gwidreüs[1] Marteze eo un enkorfadur eus an doueez-rouanez.[2],[3],[4]. Gwirheñvel e vefe Méabh ha Medb Lethderg ar memes hinienn. an doueez-rouanez eus Tara, ha gant Morrígan e c'hall bout liammet moarvat.[3] Sur a-walc'h eo bet ur vammenn evit Rouanez Mab kavet e danevell William Shakespeare Romeo ha Julieta.

Hervez ar vojenn emañ bez Méabh en ur c'harn e beg an dorgenn Cnoc na Ré, e kontelezh Sligeach.


Gwelet ivezAozañ

Liammoù diavaezAozañ

Muioc'h a restroù diwar-benn

a vo kavet e Wikimedia Commons.

  1. Fraser, Antonia (1990). The Warrior Queens. Canada Ltd, 20801 John Street, Markham, Ontario L3R 1B4: Penguin Books : Penguin books. 15, 16, 17 p. ISBN 0-1400-8517-3. 
  2. Ó hÓgáin, Dáithí. Myth, Legend & Romance: An encyclopaedia of the Irish folk tradition. Prentice Hall Press, 1991. pp.294-295
  3. 3,0 ha3,1 Monaghan, Patricia. The Encyclopedia of Celtic Mythology and Folklore. 2004. p.319
  4. Koch, John T. Celtic Culture: A Historical Encyclopedia. ABC-CLIO, 2006. p.1282