Pachtoueg
Ur yezh iranek eo ar pachtoueg pe pouc'htoueg (pashto pe pukhto پښتو), komzet gant 39 millon a dud en Afghanistan ha kornôg Pakistan (16%-20% eus ar boblañs).
| Pachtoueg (Pashto, Pukhto) | |
|---|---|
| Perzhioù | |
| Komzet e : | Afghanistan, Pakistan, India, Iran |
| Komzet gant : | 49 529 000 |
| Renkadur : | 82 (Norzh), 92 (Su) |
| Familh-yezh : | Yezhoù Indezeuropek Indez-Iraneg |
| Statud ofisiel | |
| Yezh ofisiel e : | Afganistan |
| Akademiezh : | - |
| Kodoù ar yezh | |
| ISO 639-1 | ps |
| ISO 639-2 | pus |
| ISO 639-3 | |
| Kod SIL | PUS |
| Sellit ivez ouzh ar pennad Yezh. | |
Kavet e vez ivez pachtouegerion e Sind (Karachi, Hiderabad e kornôg Punjab (Pakistan), e norzh India hag e biz Iran.
E 1964 e oa bet disklêriet ar pachtoueg unan eus div yezh ofisiel Afghanistan gant an dareg (dari).
Div rannyezh pennañ a zo: hini an norzh komzet gant tro-dro da 24 milion a dud hag hini ar su komzet gant tro-dro da 16 milion a dud.
Skrivet e vez ar pachtoueg gant al lizherenneg arabek gant un nebeud lizherennoù ispisial ouzhpenn evit sonennoù na vezont ket kavet en arabeg [1]. Mui-ouzh-mui avat e vez implijet al lizherenneg latinek, dreist-holl evit skrivañ ar yezh war ar c'henwiad.