Peurid-ar-Roc'h

Peurid-ar-Roc'h a oa ur gumun e Treger, e Breizh e departamant Aodoù-an-Arvor.

Peurid-ar-Roc'h
An iliz-parrez
Anv gallek (ofisiel)	Pommerit-Jaudy
Bro istorel	Bro-Dreger
Melestradurezh
Departamant	Aodoù-an-Arvor
Arondisamant	Lannuon
Kanton	ar Roc'h-Derrien (betek 2015) Landreger (abaoe 2015)
Kod kumun	22247
Kod post	22450
Maer Amzer gefridi	André Le Moal 2014-2020
Etrekumuniezh	Lannuon-Treger Kumuniezh
Bro velestradurel	Bro Treger-Goueloù
Lec'hienn web	http://www.mairie-pommerit-jaudy.fr
Poblañsouriezh
Poblañs	1 264 ann. (2016)
Douaroniezh
Daveennoù lec'hiañ	48° 43′ 58″ Norzh 3° 14′ 27″ Kornôg
Uhelderioù	kreiz-kêr : 75 m bihanañ 2 m — brasañ 94 m
Gorread	20,37 km²
Peurid-ar-Roc'h

Douaroniezh

Peurid-ar-Roc'h eman war lez reter ar stêr Yeodi.

Anv

Stummoù kozh skrivet :

Pumurut (1160), Pernerit Gyendi / Pomerit Jeudi (1330), Pemerit Jeudi / Pemerit Yeudi (1444), Pomerit Jaudi (1451), Poumeri Eude (1516), Poemerit Jaudy (1592), Pumerie (1630), Pleumeurit-Jaudy (1636), Pomerit-Jaudy (1709), Pommerit-Jaudy (1731).

Istor

Henamzer

D'ar c'houlz gallo-roman e oa diazezet Pommeratum war an uhel a-us d'ar rinier Yeodi, tost d'an hent galian-ha-roman eus Gwengamp da Blougouskant. Al lec'h kentañ en em gav e Kersaliou (< sal-, talvezout ul lec'h diskuizh, un eskemm, war an hentoù galian-ha-roman).

Krennamzer

Ul lodenn diouzh Peurid a zo bet distaget e penn kentañ an XI^vet kantved, d'ar c'houlz ma oa bet savet ur c'hastell er Roc'h (Rocca), Kêr ar Roc'h, evit Derien, e anv bet chomet stag ouzh hini ar gumun.

XX^vet kantved

Brezel-bed kentañ

• 75 gwaz a gollas o buhez abalamour d'ar brezel hervez monumant ar re varv, d.le. 3,93 % ag ar boblañs hervez an niveradeg bet graet e 1911.

Eil Brezel-bed

• Strouezheg Koad-Nevenez FTP-FFI a zo taget ha dismantret gant an Alamaned d'an 19 a viz Gouere 1944.
• Mervel a reas pevarzek den eus ar gumun abalamour d'ar brezel.

Trevadennoù

• Brezel Aljeria: ur milour a varvas.

XXI^vet kantved

• Kendeuzet e oa bet gant teir c'humun all d'ar 1añ a viz Genver 2019 d'ober ur gumun nevez : Roc'h-ar-Yeodi.

Monumantoù ha traoù heverk

Pont-Rod, roudour war an hent galian-ha-roman a dreuz ar rinier Yeodi

• 

  Pontrod dre lanv

• 
• 

Maner Koad-Nevenez (XVI^vet kantved)

• 

  Tresadenn gant ar Veskont Frotier de la Messelière

Kastell Kervezen (1633)

Kastell ha Skol labour-douar Penn-ar-C'hoad

• 

  Ar c'hastell drek ar gwez

• 

  Talbenn en aer vat

• 

  Talgen gant ardamezioù

• 

  Strollad hemolc'h. 2004

• 

  Strollad hemolc'h 2. 2004

Maner Pradledan

Maner Roc'humelen

Maner Kervengi (XVIII^vet kantved)

Kouldri Keriku(ñ)

Maner ar Gozhkêr (XVIIIvet)

Iliz Sant-Pêr (1742)

Chapel Santez-Anna, e Kervezen (1638)

Chapel Sant-Anton (XVIIIvet)

• 

  An nor, gweled eus diabarzh

• 

  An aoter

• 

  Taolenn 1

• 

  Taolenn 2

• 

  Taolenn 3

• 

  Taolenn 4

Chapel Folgoad-Devet (XVIIIvet)

Chapel ar Gozhkêr, e-kichen Pont-Rod

Chapel Sant-Toel (XVIvet – XVIIIvet), e kichenn Kerrod

Kroaz ar Gakouzien

• 

  An hent roman, war zu ar c'hreisteiz

• 

  An hent roman, war zu an hanternoz

Tud

Tud bet ganet eno

• Azoù ar Genkiz, gwreg Helouri, aotrou Kervarzhin, er Vinic'hi-Landreger,  mamm da sant Erwan Elouri a Gervarzhin.
• Ujen ar Rouz (Evnig Penn ar C'hoad), saver kanaouennoù ha pezhioù-c'hoari, 1892.

Tud bet marvet eno

• Charlez-Loeiz ar Rouz Penn-ar-C'hoad : penn republikan, komiser ar C'huzul-ren, bet drouklazet e Penn-ar-C'hoad d'an 30 a viz Mae 1796.

Ardamezeg ar familhoù

	Boisgelin Aotrounez Kersalioù Palefarzhet : ouzh 1 ha 4 en gul e rodig-kentr en argant ; ouzh 2 ha 3 en glazur.
	Le Borgne Aotrounez Kerfalais, Coëtnevenoy, Roc'hmelen En argant e gab dentek en gul.
	Kermel Aotrounez Kervezin En gul e dreustell en argant heuliet gant daou leonparzh en aour.
	Kersalioù Aotrounez al lec'h Treustellet etre argant ha gul, e leon balirant en sabel, krabanet, teodet ha kurunet en aour.
	Michel Aotrounez Keranroux En argant e benn Morian en sabel, talwedek en argant.

Emdroadur ar boblañs abaoe 1962

Niver a annezidi

Ya d'ar brezhoneg

D'ar 5 a viz Kerzu 2016 e oa bet votet ar garta Ya d'ar brezhoneg gant kuzul-kêr ar gumun.

Rimadell

Mellenn aval, lavar din

E petore bro e timezin :

Pe e Peurit pe e Rom,

Pe er gêr e-ti ma mamm,

Pe e Peurit pe e Prat,

Pe er gêr e-ti ma zad ?

Dastumet gant Jules Gros, Le Trésor du Breton parlé, 3/385.

Levrlennadur

• Pol Potier de Courcy : Nobiliaire et armorial de Bretagne
• Régis de Saint-Jouan : Dictionnaire des communes. Département des Côtes-d'Armor. Eléments d'histoire et d'archéologie. Conseil général des Côtes-d'Armor. 1990.

Liammoù diavaez

• (br) Peurid-ar-Roc'h war lec'hienn Geobreizh